Кондаков Николай Алексеевич

	Николай Алексеевич Кондаков
Төрөөбүт күнэ	12 от ыйын 1920
Төрөөбүт сирэ	Дьөккөн нэһилиэгэ, Бүлүү улууһа
Өлбүт күнэ	11 от ыйын 1979 (58 сааһыгар)
Сулууспалаабыт дойдута	ССРС
Сэриилэр көрүҥнэрэ	артиллерия
Сулууспалаабыт сыллара	1942—1945
Солото	Старшай лейтенант Старший лейтенант
Кыргыһыылар/сэриилэр	Аҕа дойду Улуу сэриитэ
	Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина»

Бикипиэдьийэҕэ маннык араспаанньалаах дьон туһунан ыстатыйалар бааллар, көр Кондаков.

Кондаков Николай Алексеевич (12.07.1920, Дьөккөн нэһилиэгэ, Бүлүү улууһа — 11.07.1979) — Аҕа дойду Улуу сэриитин кыттыылааҕа, Сэбиэскэй Сойуус Дьоруойа (1990).

Олоҕун олуктара

1920 сыллаахха от ыйын 12 күнүгэр Бүлүү оройуонун Дьөккөн нэһилиэгэр төрөөбүт. Бүлүүтээҕи педучилищаны бүтэрбит. Сэрии иннинэ учууталлаабыт. Аармыйаҕа 1942 сыл бэс ыйыгар ыҥырыллыбыта. Артиллерийскай училищаны бүтэрэн баран 1943 сыл ахсынньытыгар фроҥҥа ыытыллыбыт.

Лейтенант Н. А. Кондаков 2-с Украина фронун 1073-с армейскай истребительно-противотанковай артиллерийскай полка огневой взводун хамандыыра буолбута. Аан бастаан Кировоград куоракка сэриилэспитэ. Онтон салгыы Молдавиянан, Румыниянан Яссы куоракка дылы сэриилэһэ-сэриилэһэ барбыта. Онтон 1-кы Украина фронун састаабыгар 5-с гвардейскай аармыйаны кытта Сандомир плацдармыгар сэриигэ кыттыбыта, Одер өрүһү туорааһыҥҥа хорсун быһыыны көрдөрбүтэ. Н. А. Кондаков манна бэйэтин хамаандалыыр взводун кытта Одер арҕаа кытылыгар плацдарм былдьаан ылбыта уонна ону кэҥэппитэ. Бу хорсун быһыытын иһин Дьоруой аатыгар түһэриллибитэ.

Сэбиэскэй Сойуус Дьоруойун аата өлбүтүн кэннэ, 1990 сыллаахха ыам ыйын 5 күнүгэр иҥэриллибитэ.

Сэрии кэнниттэн Кондаков суруналыыстаабыта, тылбаасчыттаабыта, Саха Сирин араадьыйатын кэмитиэтин тутаах эрэдээктэринэн үлэлээбит.

1979 сыл от ыйын 11 күнүгэр өлбүт.

Дьиэ кэргэнэ

Кэргэнэ биллиилээх суруналыыс Нина Протопопова. 1945 сыллаахха аармыйаттан уоппускаҕа кэлэ сырыттаҕына аан бастаан көрбүтүм диэн ахтыбыта баар, кэргэнэ. Нина Иннокентьевна 7 сыл балыс. 1948 сыллаахха муус устар 26 күнүгэр ыал буолбуттар. Үс оҕолоохтор. Улаханнара кыыс, Елизавета Николаевна - быраас. Уоллаах кыыс оҕолордоох. Иккиэн суруналыыстар. Иккис оҕо уол, Николай Николаевич. Үһүс оҕо уол. Петр Николаевич. Тутааччы. Ыал.

Наҕараадалара уонна ытык ааттара

«Кыһыл көмүс Сулус» мэтээл (05.09.1990)
Ленин уордьана (05.09.1990)
Кыһыл Знамя уордьана (02.04.1945; Сэбиэскэй Сойуус Геройун аатыгар түһэриллибит)^[1]
Кыһыл Сулус уордьана (03.09.1944)^[2]
Мэтээллэр
Ем. Ярославскай аатынан Өрөспүүбүлүкэ суруналыыстарын бириэмийэтин лауреата^[3]
Бүлүү улууһун ытык киһитэ^[4]

Үйэлээх аата

Н. А. Кондаков аата Дьөккөн оскуолатыгар иҥэриллибит.
Герой аатынан Бүлүү куорат уулуссата ааттаммыт.
Герой бүүстэрэ Бүлүү педучилищетын уонна Дьөккөн оскуолатын тастарыгар тураллар.

Быһаарыылар

↑ Наградные документы в электронном банке документов «Подвиг Народа»
↑ Наградные документы в электронном банке документов «Подвиг Народа»
↑ РОО «Союз журналистов РС(Я)»: Лауреаты Республиканской журналистской премии имени Ем. Ярославского
↑ Официальный информационный портал Республики Саха (Якутия): Почетные граждане Вилюйского улуса

Сигэлэр

Кондаков Николай Алексеевич. Cитим-сир «Герои Страны».

Якутяне - Герои Советского Союза и Российской Федерации кавалеры ордена Славы 3-х степеней

[1] Наградные документы в электронном банке документов «Подвиг Народа»

[2] Наградные документы в электронном банке документов «Подвиг Народа»

[3] РОО «Союз журналистов РС(Я)»: Лауреаты Республиканской журналистской премии имени Ем. Ярославского

[4] Официальный информационный портал Республики Саха (Якутия): Почетные граждане Вилюйского улуса

[1]

[2]

[3]

[4]