Айыы Суола

Бикипиэдьийэ диэн сиртэн ылыллыбыт
(Мантан: Айыы Суолун көстө)

Айыы суола — айыы халлааннарын холбуур суол. Халлааннар атыннык хартыгас, эбэтэр мэҥэһик, диэн ааттаналлар. Айыы Суола 9 халлаантан турар. Бу 9 халлааҥҥа Үрүҥ Айыы Тойон оҕолорун кытта олорор. Хас биирдии айыы биир курдук буолан баран сэттэ дьүһүннээх. Онон, хас биирдии халлааҥҥа сэттэлии ыал (аҕастыы балыстар эбэтэр ини-биилэр) олорор.

Киһи олоҕун тухары, айыылар кэс тылларын толорон, Айыы Суолун арыйан сылдьыахтаах. Айыы Суола кыайан арыллыбатах өттүнэн Абааһы Суола арыллар, оччоҕо айыылартан кэлбит алгыс Абааһы Суолунан барар уонна алдьатар, эһэр, өлөрөр-өһөрөр күүскэ кубулуйар.

Айыы киһитэ Абааһы Суолун бүөлээн, Айыы Суолун арыйа сылдьыахтаах, оччоҕо кини кутун-сүрүн харыстыыр, сүргэтин үрдэтэр. Айыы Суолун тутуһуу Айыы сиэрэ диэн ааттанар. Киhини Айыы Суолунан сылдьарга дьөһүөллэр сирдииллэр.