Бу сирэй Сэтинньи 21 куодун көр

'''Сэтинньи 21''' диэн [[Григориан халандаара|Григориан халандаарыгар]] сыл 325-с күнэ ([[ордук хонуктаах сыл|ордук хонуктаах сылга]] 326-c күнэ). Сыл бүтүө 40 күн баар.

== Бэлиэ күннэр ==
* {{Флагификация|ООН}} — Аан дойдуга [[Телевидение күнэ]] (ХНТ Генеральнай Ассамблеята 1996 с. олохтообут).
* Аан дойдутааҕы [[Эҕэрдэлэһии күнэ]]  (World Hello Day). Бу күн үгэс курдук уонтан тахса киһини кытта дорооболоһуохтааххын. 1973 сыллаахха сэриини тохтоторго дьон бэйэ-бэйэлэрин кытта алтыһаллара суолталаах диэн санааттан икки ини-бии МакКормактар олохтообуттара
* {{Флагификация|Россия}} — [[Арассыыйа нолуок уорганнарын үлэһитин күнэ]]
* {{Флагификация|Бангладеш}} — Сэбилэниилээх күүстэр күннэрэ
* {{Флагификация|Греция}} — Сэбилэниилээх күүстэр күннэрэ
* {{Флагификация|Серб Өрөспүүбүлүкэтэ}} — Сүрүн сөбүлэҥ түһэрсиллибит күнэ. 1995 сыллаахха Дейтон сөбүлэҥинэн үс аҥаар сыл тухары барбыт Босния сэриитэ бүппүт [[Босния уонна Херцеговина|Босния уонна Герцеговина]] диэн икки сүрүн чаастан турар дойду үөскээбит
* {{Флагификация|Украина}} — [[Дьоһун уонна көҥүл күнэ]]
<!-- * {{Флагификация|Украина}} — Штурмалыыр десант сэриилэрин күнэ-->

== Түбэлтэлэр ==
* [[1325]] — [[Алтан Ордуу]]га Тверь кинээһэ Дмитрий Михайлович Уордаах Харах ({{lang-ru|Грозные Очи}}) Москуба кинээһин Юрий Даниловиһы өлөрбүт. Бу аҕатын иэстэһии этэ. Ол эрээри ол саҕана Алтан Ордууга баһылыктаан олорбут Узбек Хаан күтүөтүн өлөрбүт киһини бырастыы гымматаҕа, ону таһынан Дьаһаах этэринэн суута суох өлөрөр бобуллара, онон Тверь кинээһин өлүүгэ уурбута.
* [[1386]] — [[Тимур]] Грузия киин куоратын сэриилээбит, Грузия ыраахтааҕытын Баграт V билиэн ылбыт.
* [[1620]] — «Мэйфлауэр» диэн аалынан [[Англия]]ттан байҕалы туораан кэлбит ''пилигримнэр'' [[Хотугу Америка]] кытылын булбуттар. Сотору кэминэн кинилэр манна англичаннар бу континеҥҥа бастакы олохтоох холуонньаларын — Плимуту — олохтообуттара. ''Пилигримнэр'' олохторун устуоруйата, итэҕэл көҥүлүн көрдөөн далайы туорааһыннара [[АХШ]] устуоруйатыгар уонна култууратыгар сүрүн миэстэни ылар.
* [[1699]] — Ыраахтааҕы [[Бүөтүр I]] рекрут бэбииннэһин туһунан ыйаах таһаарбыт. Маҥнай утаа рекруттары бары сословиелартан ылаллара, рекрутунан аармыйаҕа ыҥырыллыбыт киһи олоҕун тухары саллаат буолара. Рекрукка хомууру кэмиттэн кэмигэр ыраахтааҕы ыйааҕынан ыыталлара. Онтон билиҥҥи курдук призывтаах хомуур 1874 сыллаахха олохтоммута.
* [[1783]] — [[Париж]]ка икки киһи, Жан-Франсуа Пилатр де Розье уонна Франсуа Лоран д'Арланд, аан дойду устуоруйатыгар бастакынан баайыыта суох салгын шаарынан көппүттэр. 25 мүнүүтэ иһигэр салгын шаара 915 миэтэрэ үрдүккэ көтөн тахсыбыт уонна төттөрү түһэн сири булбут.
* [[1877]] — [[АХШ|Америка]] айааччыта [[Томас Эдисон]] тыаһы суруйар уонна таһаарар тэрили, [[фонограф|фонограбы]], айбытын туһунан биллэрбит.
* [[1894]] — [[Кытай]]-[[Дьоппуон]] сэриитин саҕана [[Порт-Артур]]у дьоппуоннар сэриилээн ылбыттар. Ол эрээри сотору соҕус Арҕаа дойдулар ыгыыларынан Дьоппуон пуорду Кытайга төннөрбүтэ. Үс сылынан Порт-Артуру [[Арассыыйа]] бэйэтигэр ылбыта, [[Чуумпу далай]]дааҕы флотун баазатынан оҥостубута.
* [[1905]] — [[Альберт Эйнштейн]] [[маасса]] уонна [[энергия]] эквивалентнайдарын туһунан ыстатыйата тахсыбыт. Маасса уонна энергия ыккардыларыгар аатырбыт формула арыллыбыт,''E''&nbsp;=&nbsp;''mc''².
**Саха сиригэр Мончуур баабырын бултаабыттар
* [[1920]] — РКП(б) Саха сиринээҕи бюрота саха хомуньуустарын уонна хомсомуолларын [[Саха омук (уопсастыба)|«Саха омук» уопсастыбаҕа]] киирэргэ соруйбут. Кинилэр онно бас-көс оруолу бэйэлэригэр ылан уопсастыбаны Сэбиэскэй былаас туһугар үлэлэтиэхтээхтэрэ.
* [[1942 сыл|1942]]
**Ньиэмэстэр Ф. Паулюс салалталаах 6-с аармыйалара [[Сталинградтааҕы кыргыһыы|Сталинград]] анныгар төгүрүктээһиҥҥэ түбэспит.
**[[Красноярскайдааҕы судаарыстыбаннай мэдиссиинэ университета|Красноярскайдааҕы судаарыстыбаннай мэдиссиинэ института]] олохтоммут.
* [[2012 сыл|2012]] — АХШ Кэнгириэһэ Джексон — Вэник көннөрүүтүн ({{lang-en|Jackson–Vanik amendment}}) дьайыытын тохтоппут. Бу көннөрүү АХШ атыы-эргиэн сокуонун уларытан, киһи быраабын кэһэр дойдулары кытта эргиэни хааччахтыыра.
* [[2013]] — [[Украина]]ҕа бэрэсидьиэн Виктор Янукович [[Европа Сойууһа|Европа Сойууһун]] кытары ассоциация туһунан сөбүлэҥҥэ илии баттааһыны тохтоппут. Ол кэнниттэн [[Евромайдан]] диэн ааттаммыт маассабай бырачыастар саҕаламмыттар. Үс ыйдаах быыстала суох бырачыастар кэннилэриттэн, онно сүүстэн тахса киһи өлбүтүн кэнниттэн былаас уларыйбыта, Янукович дойдуттан күрээбитэ.

== Төрөөбүттэр ==
* [[1694]] — [[Вольтер]] — [[Франция]] сырдатааччы бөлүһүөгэ, суруйааччы, устуорук.
* [[1896]] — [[Саввин Андрей Андреевич |Андрей Саввин — Өндөрүүскэ]] (31.05.1951 өлб.) — учуутал, саха аһын-үөлүн, көмөр сиэрин-туомун чинчийбит этнограф учуонай, кыраайы үөрэтээччи, түмэл үлэһитэ. [[Чурапчы]]тааҕы устуоруйа уонна этнография түмэлигэр кини аата иҥэриллибит.
* [[1898]] — [[Мегежекскай Михаил Васильевич|Михаил Мегежекскай]] — сэбиэт былааһын, Саха Сирин автономиятын олохтооччулартан биирдэстэрэ, саха биллиилээх уопсастыба уонна бэлиитикэ диэйэтэлэ, 1926—1927 сс. ЯЦИК бэрэстээтэлэ.
* [[1908]] — [[Заболоцкай Николай Максимович (Чысхаан)|Николай Заболоцкай — Чысхаан]] (01.04.1987 өлб.) — прозаик, литератураны ырытааччы, [[ССРС]] суруйааччыларын Сойууһун чилиэнэ (1944), [[Саха АССР]] култууратын үтүөлээх үлэһитэ. Кини аатын [[Өймөкөөн улууһа|Өймөкөөн улууһун]] [[Томтор, Өймөкөөн улууһа|Томтор]] орто оскуолата сүгэр.
* [[1919]] — [[Кильчичаков Михаил Еремеевич|Михаил Кильчичаков]] — [[хакаастар|хакаас]] бэйиэтэ, суруйааччыта, ССРС суруйааччыларын сойууһун чилиэнэ, түмэт уонна бэлиитикэ диэйэтэлэ, Аҕа дойдуну көмүскүүр Улуу сэрии кыттыылааҕа.
* [[1920]] — [[Федоров Михаил Михайлович|Михаил Федоров]] — 1961—1969 сс. [[Саха АССР]] прокурора, [[Аҕа дойду Улуу сэриитэ|Аҕа дойду Улуу сэриитин]] кыттыылааҕа, [[Саха АССР]] үтүөлээх юрииһа, юридическай билим дуоктара, профессор, [[Дьокуускай]] куоратын Ытык киһитэ (1995), [[Саха Өрөспүүбүлүкэтин Ытык киһитэ]] (2000).
* [[1923]] — [[Воронкин Михаил Спиридонович|Михаил Воронкин]] — саха түөлбэ тылын чинчийбит бөдөҥ учуонай, [[СӨ билимин үтүөлээх диэйэтэлэ]], ССРС БА Сибиирдээҕи салаатын үтүөлээх бэтэрээнэ, тыыл бэтэрээнэ, устуоруйа билимин дуоктара.
* [[1929]] — [[Игнатьев Иннокентий Гаврилович|Иннокентий Игнатьев]] — Саха АССР ил уонна баартыйа диэйэтэлэ, 1972—1992 сылларга Саха АССР Москубатааҕы Постояннай бэрэстэбиитэлистибэтин салайааччыта. [[Алдан улууһун ытык дьоно|Алдан улууһун]] (1984), Мэҥэ-Хаҥалас улууһун (1989), [[Дьокуускай ытык дьоно|Дьокуускай куоратын]] (1999), [[Саха Өрөспүүбүлүкэтин ытык киһитэ|Саха Өрөспүүбүлүкэтин]] (2009) Ытык киһилэрэ.
* [[1948]] — [[Уйбаан Бахсылыырап (Попов Иван Иванович)|Иван Попов - Уйбаан Бахсылыырап]] — Арассыыйа Федерациятын уонна Саха Өрөспүүбүлүкэтин суруналыыстарын Сойууһун чилиэнэ. Саха Өрөспүүбүлүкэтин киинэтин бэтэрээнэ. Уус-Алдан улууһун [[Лөгөй нэһилиэгэ (Уус-Алдан улууһа)|Лөгөй]] нэһилиэгин, Чурапчы улууһун [[Бахсы нэһилиэгэ (Чурапчы улууһа)|Бахсы]] нэһилиэгин Ытык киһитэ.
* [[1963]] — [[Мамиашвили Михаил Геразиевич|Михаил Мамиашвили]] — греко-римскэй истииллээх сэбиэскэй тустуук, Олимпиада чөмпүйүөнэ, ССРС Успуордун үтүөлээх маастара (1988), ССРС уонна Арассыыйа үтүөлээх тириэньэрэ (1992), Арассыыйа спортивнай тустууга федерациятын бэрэсидьиэнэ (ФСБР).

== Өлбүттэр ==
* [[1914]] — [[Крафт Иван Иванович|Иван Крафт]] — 1906-1913 сылларга [[Саха уобалаһа|Саха уобалаһын]] күбүрүнээтэрэ, 1913-1914 сылларга Енисей күбүөрүнэтин күбүрүнээтэрэ. Кини салайар кэмигэр Саха сирэ балысхан сайдыыны ситиспитэ биллэр: потребительскай уопсастыбалар тэриллибиттэр; булт, балык бэрээдэктэммит; бааннар аһыллыбыттар; сир баайын хостооһуна кэҥээбит; [[Өлүөнэ]] өрүһүнэн айан-сырыы обургутук элбээбит; дьүлэйдэргэ, хараҕа суохтарга уонна иирээкилэргэ анал приюттар тутуллубуттар; балыыһа ахсаана 63%, быраастар ахсааннара 73%, биэксэллэр ахсааннара үс төгүл улааппыт; төлөпүөн, телеграф, кинематограф, электричество баар буолбуттар; алын оскуола ахсаана 17 тиийбит; учууталларга педагогика куурустара үлэлээбиттэр; икки мэндиэмэннээх училище уонна дьахталлар гимназиялара тутуллубуттар. Крафт кэпсэтиитинэн Петербуурдааҕы Билим академията [[Пекарскай Эдуард Карлович|Эдуард Пекарскай]] саха тылдьытын бэчээттээһинин саҕалаабыта, бу тылдьыты сотору кэминэн [[Мустафа Кемал Ататүрк]] [[туурак тыла|туурак тылын]] реформатыгар туһаммыта.
* [[1934]] — [[Бястинов Герасим Дмитриевич – Бэс Дьарааһын|Герасим Бястинов – Бэс Дьарааһын]] — прозаик, очеркист. Кини аатын [[Таатта улууһа|Таатта улууһун]] [[Чымнаайы (Таатта улууһа)|Чымнаайы]] орто оскуолата сүгэр.
* [[1999]] — [[Масленников Георгий Иванович|Георгий Масленников]] — 1943-1946 сыллардаахха ВКП(б) Саха обкуомун бастакы сэкирэтээрэ.


{{ыйдар}}

[[Категория:Сэтинньи 21]]