Сир күнэ
Сир күнэ (ааҥл. Earth Day, нууч. День Земли) - Сир нарын уонна кэбирэх эйгэтигэр болҕомто тардарга анаммыт күн.
Сааскы Күн туруутун кэмигэр уонна кэлин, ХНТ быһаарыытынан, муус устар 22 күнүгэр бэлиэтэнэр.
Аан бастаан 1970 сыллаахха АХШ устудьуоннара сенатор Гейлорд Нельсон көҕүлээһининэн бэлиэтээбиттэрэ. АХШ-ка сүрдээх көхтөөхтүк бэлиэтэнэр буолбута, бу күн дьайыытынан хас да айылҕаны харыстыыр сокуоннар ылыныллыбыттара.
Сир күнүн бэлиэтээһин 20 сылыгар ССРС, АХШ уонна Кытай альпинистара Эверестка тахсыбыттара[1].
2009 сыллаахха ХНТ Генарльнай ассамблеята Аан дойдутааҕы Ийэ-сир күнэ (ХНТ тылларынан: араб. اليوم الدولي لأمنا الأرض, исп. Día Internacional de la Madre Tierra, кыт. 国际地球母亲日, нууч. Международный день Матери-Земли, фр. Journee internationale de la Terre nourriciere) диэни олохтообута (№ A/RES/63/278 резолюция).
- ↑ Горбенко М. М. Восхождение мира на Эверест. — Одесса: ОКФА, 1994. — 141 с. — ISBN 5-7707-6304-3