Куурд тыллара

Куурд тыла (زمانێ كوردی, Zimanê Kurdî, Зымане Köpди) — куурды омук тылларын бөлөҕө, Ираан тылларын хотугулуу-арҕаа бөлөҕө (индоевропейскай тыллар бөлөхтөрө). Курдистаан диэн аатырар эрэгийиэҥҥэ тарҕаммыттар. Фонетикаларыгар уонна тылларын олоҕор уратылара кыра, ол эрээри морфологияҕа улахан уратылаахтар, онон бэйэ-бэйэлэрин өйдөспөттөрүн кэриэтэ. Бу көстүү Орто үйэлэргэ ираанныы тыллар үксүлэрэ морфологияларын уларытыыларын кытта ситимнээх. Билигин «куурд тыллара» диэн үксүн түөрт тылы ааттыыллар:

• курманджи, эбэтэр хотугу куурдар тыллара (Турция, Сирия, Ирак, Иран, урукку Сэбиэскэй Сойууска киирэр дойдулар, Европ уонна АХШ);
• сорани, биитэр киин куурд (илиҥҥи Ираак, Ираан);
• соҕуруу куурд тыла;
• лаки