Бу сирэй Ахсынньы 14 куодун көр

'''Ахсынньы 14''' диэн [[Григориан халандаара|Григориан халандаарыгар]] сыл 348-с күнэ ([[ордук хонуктаах сыл]]га 349-c күнэ). Сыл бүтүө 17 күн баар.

== Бэлиэ күннэр ==
* Аан дойдутааҕы эбисийээнэ (моймуун) күнэ. 2000 сыллаахха Мичиган университетын икки худуоһунньук-устудьуона онньуу быһыытынан олохтообуттара, кэлин тэнийэн, кыылы-сүөлү көмүскүүр тэрилтэлэр өйөөн аан дойдуга киэҥник бэлиэтэнэр буолбута. Бу күн дьон зоопаркаларга сылдьаллар, комикстар күрэхтэһиилэрин ыыталлар, эбисийээнэ таҥастаах киэһэлэри, эгэлгэ шоулары тэрийэллэр
* {{Флагификация|Башкортостан}} ([[Арассыыйа]]) — [[Башкиир тыла|Башкиир тылын]] күнэ
* {{Флагификация|Алабама}} ([[АХШ]]) — Алабама күнэ
* {{Флагификация|Бангладеш}} — Кэйгэллэммит интэлигиэнсийэ күнэ. 1971 сыллааҕы босхолонор сэрии кэмигэр Пакистаан сэриилэрэ Бангладеш (ол саҕана Илин Пакистаан) үөрэхтээх дьонун (учуонайдары, суруналыыстары, инженердары, быраастары уо.д.а.) өлөртөөбүттэрэ, соруктара — үөскээн эрэр омугу хам баттааһын. Бу күн буолбут бүтэһик маассабай өлөрүү кэнниттэн икки хонон баран ахсынньы 16 күнүгэр Пакистаан сэриилэрэ бэриммиттэрэ, Бангладеш Ииндийэ көмөтүнэн тутулуга суох дойду буолбута.
* {{Флагификация|Украина}} — [[Чернобыль саахала|Чернобыль саахалын]] ликвидациятын кыттыылаахтарын чиэстиир күн
* {{Флагификация|Япония}} — Түөрт уон сэттэ ронины ахтар-саныыр күн. Бу күн Сэнгаку-дзи диэн Токиоҕа баар таҥара дьиэтигэр көмүллэ сытар даймену уонна кини рониннарын ахталлар. Бу XVIII үйэҕэ буолбут түбэлтэни дьоппуоннар бэриниилээх буолуу холобурун быһыытынан былыргыттан билинэллэр

== Түбэлтэлэр ==
* [[1774]] — Cекунд-майор [[Шатилов Степан Михайлович|Степан Шатилов]] Саха сирин [[Бойобуода|бойобуодатынан]] анаммыт. Кини бу солоҕо [[1778]] сыллаахха дылы сулууспалаабыт.
* [[1782]] — Монгольфье ини-биилэр [[Франция]]ҕа бастакы салгын шаарын көтүппүттэр; дьоҕус, киһитэ суох салгын шаара икки килэмиэтир курдук устаны көппүт (1,2 миилэ). Бу арыйыы Жозеф Монгольфье уот үрдүгэр куурдулла ууруллубут сууйуллубут таҥас өрө көтөрүн бэлиэтии көрбүтүттэн саҕаламмыта. Нөҥүө сылыгар ини-биилэртэн аҕалара Этьен балаҕан ыйыгар хоруол көрөн турдаҕына Парижка салгын шаарынан хойу, куһу уонна бөтүүгү көтүппүтэ. Онтон алтынньы 15 күнүгэр Этьен Монгольфье бэйэтэ көппүтэ.
* [[1812]] — Баараҕай Аармыйа ({{lang-fr|Grande Armée}}) тиһэх саллааттара Арассыыйаттан үүрүллүбүттэр.
* [[1900]] — Квант механикатын төрөөбүт күнэ: ньиэмэс учуонайа [[Макс Планк]] хара эттик сандаардыытын сокуонун туһунан дакылаат аахпыт.
* [[1911]] — [[Руаль Амундсен]] экспедицията аан маҥнайгыннан [[Соҕуруу полюс|Соҕуруу полюска]] тиийбит.
* [[1918 сыл|1918]] — Британия Холбоһуктаах хоруоллугар бырабыыталыстыба быыбара буолбут, дьадаҥылар уонна 30 сааһыттан аҕа дьахталлар аан бастаан куоластаабыттар (эр дьон 21 саастарыттан куоластыыр бырааптаахтара).
* [[1939]] — [[ССРС]] [[Финляндия]]ҕа саба түспүтүн иһин [[Нациялар Лигалара|Нациялар Лигаларыттан]] таһаарыллыбыт.
* [[1960]] — [[ЮНЕСКО]] Үөрэҕирии эйгэтигэр дискриминацияны утары охсуһуу туһунан конвенцияны ылыммыт.
* [[1971 сыл|1971]] — [[Бангладеш босхолонор сэриитэ]]: Илин Пакистааҥҥа 200-тэн тахса үөрэхтээҕи ытан өлөрбүттэр.
* [[1992 сыл|1992]] — Абхазия сэриитэ: Ткварчели сэлиэнньэттэн дьону тиэйэн иһэр бөртөлүөт суулларыллыбыт, 52 киһи өлбүт, ол иһигэр 25 оҕо өлбүт. Бу кэнниттэн сэриигэ Арассыыйа Абхахия өттүгэр кыттыыта күүһүрбүтэ. 
* [[1994]] — [[Кытай]]га [[Янцзы]] өрүһүгэр аарыма улахан «Үс хапчаан» быһыты тутан саҕалаабыттар. «Үс хапчаан» аан дойду саамай ыарахан ыйааһыннаах тутуута буолар, массата 65,5 млн тонна кэриҥэ. Кини уу хаайар сирин толороору өрүс кытылыттан 1,3 млн киһи көһөрүллүбүт. Манна [[кыталык]] кыстыыр айылҕата уларыйан, ахсаана аҕыйаабыт.
* [[1995]] — Югославия сэриитэ: Парижка Дейтоннааҕы сөбүлэҥҥэ биир өттүттэн Югославия, иккис өттүттэн Хорватия, үһүс өттүттэн Босния уонна Герцеговина илии баттаабыттар.
* [[2004]] — [[Франция]]ҕа биллиилээх кэрэ көстүүлээх күргэ, Мийо Виадуга, аһыллыбыт. Күргэ уһуна — 2 460 м, үрдүгэ — 341 м, 2016 сыллаахха диэри аан дойдуга саамай үрдүк этэ.
* [[2017]] — [[Walt Disney Company|Walt Disney]] хампаанньа 21st Century Fox хампаанньаны 52,4 миллиард дуолларга атыыласпытын туһунан биллэрбит (ол иһигэр 20th Century Fox киинэ устуудьуйаны).

== Төрөөбүттэр ==
* [[1503]] — [[Нострадамус]] (Мишель де Нотрдам) — аатырбыт [[Франция]] бырааһа, алхимигэ, бэйиэтэ, астролога уонна билгэлээччитэ.
* [[1546]] — [[Тихо Браге]] — [[Дания]] астронома, астролога уонна алхимигэ.
* [[1906]] — [[Григорьев Никита Спиридонович|Никита Григорьев]] (23.01.1989 өлб.) — филология билимин кандидата, кыра үөрэхтээх дьоҥҥо сахалыы ааҕар кинигэлэр ааптардара.
* [[1916]] — [[Васильева Анна Михайловна|Анна Васильева]] — өр сылларга [[Амма улууһа|Амма улууһун]] [[Бөтүҥ нэһилиэгэ (Амма улууһа)|Бөтүҥ]] сельсоветын исполкомун бэрэстээтэлэ, обкомҥа уонна [[Саха АССР Үрдүкү Сэбиэтэ|Саха АССР Үрдүкү Сэбиэтигэр]] талыллан үлэлээбит, [[Социалистыы Үлэ Дьоруойа]], Амма улууһун ытык киһитэ.
* [[1938]] — [[Пахомов Иннокентий Осипович|Иннокентий Пахомов]] — Саха Өрөспүүбүлүкэтин биллиилээх реформатора, 1992-2004 сылларга СӨ Сир реформатын уонна сир ресурсаларын судаарыстыбаннай кэмитиэтин бэрэстээтэлэ, сири олохтооһун туһунан элбэх кинигэ ааптара.

== Өлбүттэр ==
* [[1799]] — [[Джордж Вашингтон]] — [[Америка Холбоһуктаах Штаттара|Америка Холбоһуктаах Штаттарын]] бастакы бэрэсидиэнэ ([[1789]]—[[1797]] сылларга), Америка тутулуга суох буолуу сэриитин бириэмэтигэр үрдүкү байыаннай хамандыыр уонна ''Америка Холбоһуктаах Штаттарын олохтообут Аҕалартан'' биирдэстэрэ.
* [[1950]] — [[Тарабукин Николай Саввич|Николай Тарабукин]] — [[эбээн]] литэрэтиирэтин төрүттээччитэ, бастакы суруйааччыта, эбээн фольклорун чинчийээччи. Эбээн литэрэтиирэлии тыла олоҕурарыгар, эбээн омуга сайдарыгар сүдү улахан кылааты киллэрбит киһи.
* [[1976]] — [[Эллэй|Серафим Кулачиков - Эллэй]] — [[Саха норуодунай бэйиэттэрин тиһигэ|саха норуодунай бэйиэтэ]], Аҕа дойду Улуу сэриитин кыттыылааҕа.
* [[1981]] — [[Айкаров Алексей Никитич|Алексей Айкаров]] (01.01.1920 төр.) — [[Саха АССР]] үлэһит кылааһын уонна бырамыысыланнаһын устуоруйатын чинчийбит устуоруйа билимин хандьыдаата.


{{ыйдар}}

[[Категория:ахсынньы 14]]