Барык түөлбэ
| Барык түөлбэ | |
|---|---|
 | |
| Жанра | антология, хоррор, билим ыра |
| Оҥорооччу | Род Серлинг |
| Дойдута | АХШ |
| Тыл(лар)а | Ааҥл |
| Сезоннарын ахсаана | 5 |
| Эпизодтарын ахсаана | 156 |
| Оҥоруу | |
| Cериятын уhуна | 25 мүн. (1,2,3,5 сезоннар), 51 мүн. (4 сезон) |
| Компания | CBS Productions |
| Дистрибьютор | CBS Television Distribution |
| Көрдөрүү | |
| Ханаал | CBS |
| Көрдөрүүтэ | 1959, алтынньы 2 – 1964, бэс ыйын 19 |
Барык түөлбэ (ааҥл. The Twilight Zone) диэн АХШ телесериала. Айааччыта Род Серлинг. Антология тутуллаах, ол эбэтэр эпизодтара бэйэ бэйэлэрин кытта быһа ситимнэрэ суох, тус туспа ис хоһоонноохтор уонна персонажтардаахтар. CBS ханаалга 1959-1964 сылларга 5 сезоннаах көрдөрүллүбүтэ. Хас биирдии эпизодка геройдар өйдөммөт дьикти долгутуулаах түбэлтэлэри кытта алтыһаллар. Үксүгэр соһуччу түмүктээх уонна сигилилээх буолар. Бу "Барык түөлбэҕэ киирии" диэн ааттанар. Сериал жанра сүрүннээн билим ыра эрээри, фэнтези уонна хоррор өрүттэрэ эмиэ бааллар. Барык түөлбэ бары кэмнэрдээҕи биир улуу телесериал быһыытынан киинэ критиктарыттан уонна көрөөччүлэртэн киэҥ билиниилээх. Америкаҕа уонна атын дойдуларга телевидение-киинэ эйгэтин сайдыытыгар улахан сабыдыаллаах.
Барык түөлбэ сериалга уһуллубут актердар ортолоругар ол кэмнээҕи ситиһиилээх киинэ сулустара да, кэлэр сылларга биллибит эдэр актердар да бааллара. Род Серлинг сериал оҥорооһунугар хас да тутаах оруннааҕа - толорооччу продюсер (executive producer), сүрүн сценарист, шоу ыытааччыта уонна кэпсээнньит. Кэпсээнньит быһыытынан хас эпизод саҥатыгар уонна бүтүүтүгэр тыл этэр. Манна кини эпизодка буолбут түбэлтэлэр ис хоһооннорун түмүктүүр уонна бас герой (геройдар) тоҕо Барык түөлбэҕэ киирэн хаалбыттарын быһаарар.
TV Guide сурунаал 1997 сылга "100 Greatest Episodes of All Time" тиһилигэр "To Serve Man" (режиссера Ричард Л. Бейр) уонна "It's a Good Life" (режиссера Джеймс Шелдон) эпизодтары 11 уонна 31 оруннаабыта. Род Серлинг бэйэтэ "The Invaders" (режиссера Дуглас Хейз) уонна "Time Enough at Last" (режиссера Джон Брам) эпизодтар ордук сөбүлүүллэрим диэбитэ.
Эпизодтара
[уларыт | биики-тиэкиһи уларытыы]| Сезон | Серия ахсаана | Көрдөрүллүбүт кэмэ | ||
|---|---|---|---|---|
| Саҕаламмыт күнэ | Түмүктэммит күнэ | |||
| 1 | 36 | Алтынньы 2, 1959 | От ыйын 1, 1960 | |
| 2 | 29 | Балаҕан ыйын 30, 1960 | Бэс ыйын 2, 1961 | |
| 3 | 37 | Балаҕан ыйын 15, 1961 | Бэс ыйын 1, 1962 | |
| 4 | 18 | Тохсунньу 3, 1963 | Ыам ыйын 23, 1963 | |
| 5 | 36 | Балаҕан ыйын 27, 1963 | Бэс ыйын 19, 1964 | |
Салҕааһына
[уларыт | биики-тиэкиһи уларытыы]Барык түөлбэ үс саҥа хатылааһыннаах:
1983 сылга Барык түөлбэ: Киинэ тахсыбыта.
Литэрэтиирэ
[уларыт | биики-тиэкиһи уларытыы]- DeVoe, Bill. (2008). Trivia from The Twilight Zone. Albany, GA: Bear Manor Media.
- Grams, Martin. (2008). The Twilight Zone: Unlocking the Door to a Television Classic. Churchville, MD: OTR Publishing.
- Presnell, Don and Marty McGee. (2008). A Critical History of Television's The Twilight Zone, 1959–1964. Jefferson, NC: McFarland.
- Sander, Gordon F. Serling: The Rise and Twilight of Television's Last Angry Man. New York: Penguin Books, 1992.
- Stanyard, Stewart T. Dimensions Behind The Twilight Zone. ECW Press, 2007.
- Zicree, Marc Scott. The Twilight Zone Companion. Sillman-James Press, 1982 (second edition).