Ойуур сэлиитэ
(Мантан: Loxodonta cyclotis көстө)
Ойуур сэлиитэ (лат. Loxodonta cyclotis) диэн Африка сэлиилэрин икки көрүҥүттэн биирэ. Палеогенетиктар билиилэринэн Африка саванна уонна ойуур сэлиилэрэ 5-2 млн кэриҥэ сыллааҕыта арахсыбыттар. Тиһэх 500 тыһыынча сыл тус туспа буккуспакка үөскээбиттэр. Ойуур сэлиитэ саванна сэлиититтэн быдан кыра. Орто үрдүгэ 2,4 метр. Арҕаа Африка уонна Конго өрүс бассейнын сииктээх ойуурдарыгар олорор. Айылҕаҕа 30,000 сэлии хаалбыт. Браконьердар уонна пигмейдар бултууллар. 2021 сылтан ыла улахан эстэр кутталга сылдьар.