Хонтуруол (фильм)
Хонтуруол (мадь. Kontroll) диэн Нимрод Антал 2003 сыллааҕы киинэтэ. Комедия-триллер жанрдаах. Киинэ хайааһына Будапешт метротугар буолар. Бас герой Булчу билет инспектора. Билет инспектордара метро айаннааччылара билеттаахтарын тургуталлар. Сир анныгар араас дьон көстөн ааһаллар, олор быыстарыгар эhэ көстүүмнээх кыыс уонна биллибэт өлөрүөхсүт.
Нимрод Антал киинэни бэйэтэ суруйбут сценарийынан уhулбута. Сүрүн оруолларга оонньууллар Шандор Чаньи, Золтан Мучи, Чаба Пиндрох. Kontroll аан дойдутааҕы премьерата 2003 сыл сэтинньи 20 буолбута. Европа уонна Хоту Америка араас киинэ фестивалларыгар көрдөрүллүбүтэ. Чикаго омуктардааҕы киинэ фестивалын "Gold Hugo Award" уонна Канн киинэ фестивалын "Un Certain Regard" биһирэбиллэрин ылбыта.
Оруолларга
[уларыт | биики-тиэкиһи уларытыы]- Шандор Чаньи - Булчу
- Золтан Мучи - Профессор
- Чаба Пиндрох - Муки
- Шандор Бадар - Лечо
- Жолт Надь - Тиби
- Бенце Матьяши - Бутси
- Дьезе Сабо - Күлүк
- Эстер Балла - Жофи
- Лайош Ковач - Бела
Сабыдыаллара
[уларыт | биики-тиэкиһи уларытыы]Нимрод Антал Film Freak Central сайтка интервьютугар киинэ оҥоруутугар Андрей Тарковский, Стэнли Кубрик, Терри Гиллиам, Мартин Скорсезе, Такеси Китано сабыдыаллара баар диэбитэ.
Ылыныыта
[уларыт | биики-тиэкиһи уларытыы]Rotten Tomatoes сайт ыйыппыт 66 критиктарыттан 82% киинэни хайҕаабыттар, орто сыанабыллара 7/10. Сайт сомоҕо санаата - "Kontroll өйдөөх триллер, хараҥа, кытаанах, көрүдьүөс". Metacritic сайт 25 критиктара орто сыанабыллара 72/100. Америка биллиилээх киинэ критига Роджер Эберт 3.5/4 сулуhу биэрбитэ.