Широких Петр Константинович

Бикипиэдьийэ диэн сиртэн ылыллыбыт
(Мантан: Широких П.К. көстө)

Широких Петр Константинович — Аҕа дойду улуу сэриитин кыттыылааҕа.

Муус устар 12 күнүгэр 1922 с. ЯАССР Орджоникидзевскай оройуонун Маалтааны 1 нэһилиэгэр, дьадыҥы колхозтаах ыалыгар төрөөбүтэ. Ийэлэрэ төрдүс оҕо төрүүрүгэр өлбут, 4 оҕону аҕалара көрбүт. Петр саамай улаханнара буолар, ол иһин 6 кылаас кэнниттэн аҕата колхозка үлэлэтэ ыыппыт. Петр Константинович этэринэн оскуолаҕа үөрэҕэ итинэн бүппүт, бостуугунан үлэлээбит, ыанньыксыттарга көмөлөспүт. Ол кэннэ кинини Дьокуускай куоракка ФЗУ-га үөрэтэ ыыппыттар. Онно буочка, тэлиэгэ, сыарҕа оҥорорго үөрэппиттэр. ФЗУ-уну бүтэрээт, төттөрү дьиэтигэр колхозка үлэлэтэ ыыппыттар.

1943 сыллаахха атырдьах ыйыгар аармыйаҕа ыҥырыллыбыт. Атырдьах ыйын 1943 сылаахха Покровскай бөһүөлэккэ саҥа кэлбит новобранецтары хомуйбуттар уонна красноармейскай билиэти туттарбыттар. Ол кэмҥэ Петр 18 саастаах уонна кинилэри бастакынан борохуотунан Иркутскай уобуласка ыыппыттар. Иркутскай уобуласка Оловяннай станциятыгар военнай подготовканы ааспыттар. Кинилэри сэрии дьыалатыгар бэлэмнээбиттэр. Элбэх саха уолаттарын курдук Петр ытыыга үчүгэй түмүгү көрдөрбүт. Сэтинньи 15 күнүгэр 1943 сылаахха бирисээгэни ылбыттар уонна кинилэри Арҕаа фроҥҥа ыыппыттар. Кинини “Особый лыжный батальон” 54 полка 19 гвардейскай дивизияҕа 2 Белорусскай фроҥҥа ыыппыттар. Маҕан халаат, ханньыһар уонна автомат саа туттарбыттар. Инники линияҕа сэриилэспит. Витебск-Орел куорат икки ардыгар кыргыһыыга кыттыбыт. Ол онно улахан эчийиини ылбыт уонна Смоленскай уобаласка эмтэтэ ыыппыттар. Эмтэнии кэнниттэн “не годен к военной службе” диэбиттэр уонна инники фроҥҥа 764 нүөмэрдээх горючай складыгар ыытыллыбыт. Бииргэ передовой войсканы кытары Польшанан г.Кенисберг, Германиянан Штеттен ааспыттар. Кыайыы күнүн Германияҕа Висла өрүс аттыгар көрсүбүттэр.

Сэрии кэмигэр «хорсун быһыы» мэтээлин, "Аҕа дойду сэриитин" II степеннээх и уонна да атын мэтээллэрин ылбыт. Сэтинньи 15 күнүгэр 1945 сыллаахха ПВС СССР укааһынан 25.09.1945 с. демобилизацияламмыт.

Сэрии кэнниттэн бэйэтин Нөмөгү нэһилиэгэр колхозка бухгалтерынан үлэлээбит,1952 сыллаахтан Дьокуускай куорат стройкатыгар улэлээбит. 1957 сылтан Дьокуускай Совнархозка СМУ-16 плотнигынан улэлээбит, Ньурбаҕа аэровокзал тутуутугар ыыппыттар. Шахта, Дьокуускай куорат канализациятын тутуутугар Донескай шахтердарын кытта плотнигынан үлэлээбит. Ол кэннэ благоустроеннай дьиэлэр баар буолбуттар. 1966 сыллаахха ГРЭС-ка үлэһиттэргэ аналлаах икки этээстээх дьиэ тутуутугар ыыппыттар, манна болуотунньуктар биригэдиирдэрэ буолбут. 1973 сылтан саҕалаан СМУ треста "Стройремонт"-ҥа болуотунньуктар биригэдиирдэринэн үлэлээбит. Сайсар оройуон дьиэлэрин тутууларыгар үлэлээбит. Пенсияҕа 01.02.1980 с. СМУ треста "Стройремонт" тахсыбыт, кэнники аата СМУ треста "Горремстрой" уларыйбыт. Фронт хаартыскалара:

Широких П.К. 1943 с.

Кыым хаьыаттан ылыллыбыт статья 2002 с.