Сүөгэй

Сүөгэй — үүттэн оҥоһуллар үрүҥ ас.

Сүөгэй оҥороллоругар былыр үүтү туостан оҥоһуллар чабычахха сайын 4-5 күн аналлаах үүт уҥкучаҕар, кыһын 3 күн үгэххэ туруораллар эбит. Ол турбутун кэннэ үүтүрдүн сүөгэй хамыйаҕа диэн ааттанар кэтит хамыйаҕынан холбуйан ылаллар эбит.

Сүөгэй көрүҥнэрэ[уларыт | биики-тиэкиһи уларытыы]

Сөҥ сүөгэй - хойуу сүөгэй, холбуллубутунан сүөгэй - хойдо илик, чөчөгөй эбэтэр үүт үрдэ - сүөгэй аллараа араҥата, үүттээх сүөгэй, аһыы (аһыйбыт) сүөгэй, хаппыт сүөгэй - күүскэ хойдубут, аһыйбыт сүөгэй.

Чөчөгөй (үүт үрдэ) - убаҕас сүөгэй, үүттэн ситэ арахсыбатах сүөгэй. Күөрчэх оҥорорго уонна атын үрүҥ аска эбилик курдук туттуллар.