Бу сирэй Тохсунньу 28 куодун көр

'''Тохсунньу 28''' диэн [[Григориан халандаара|Григориан халандаарыгар]] сыл 28-с күнэ. Сыл бүтүө 337 күн ([[ордук хонуктаах сыл]]га 338 күн) баар.

== Бэлиэ күннэр ==
* Күрүөлэнии күнэ ({{lang-en|Data Privacy Day}}). Дьон уонна тэрилтэлэр бэйэлэрин тус информацияларын туора дьонтон харыстыыр буолалларыгар болҕомто тардаары бэлиэтэнэр. Харыстааһын көмүскүүртэн арыый атын. Көмүскүүр диэн ол аата, холобур, уоруйах киирбэтин диэн түннүккэ тимир эрэһиэккэ туруоруу, оттон харыстыыр диэн, туора харахтан харыстанаары, дьиэ иһигэр туох буола турарын көрдөрүмээри түннүк сабыытын сабыы. Ол аата көмпүүтэргэ харалла сытар дааннайбытын биһиги "бу миэнэ, туора киһи көҥүлэ суох көрүө суохтаах" диибит.
* {{Флагификация|Армения}} — Аармыйа күнэ

== Түбэлтэлэр ==
* [[814]] — Франктар ыраахтааҕылара [[Улуу Карл]], [[Ытык Рим импиэрийэтэ|Ытык Рим импиэрийэтин]] (Франктар импиэрийэлэрин) бастакы импэрээтэрэ. Бүрүстүөлгэ кини уола Людовик Благочестивай олорбут.
* [[1724]] — Санкт-Петербурга Арассыыйа Билимин акадьыамыйатын тэрийэр туһунан [[Бүөтүр I]] ыйаах таһаарбыт.
* [[1820]] — Фаддей Беллинсгаузен уонна Михаил Лазарев салайыылаах [[Арассыыйа]] аан дойдуну эргийэр эспэдииссийэтэ [[Антарктида]]ны арыйбыт.
* [[1871]] — [[Франция]]-[[Пруссия]] сэриитигэр [[Париж]] осадата тупсуунан түмүктэммит. Сэриини Пруссия уонна кини ньиэмэс кыттыгастыылара быһаарыылаахтык кыайбыттар.
* [[1887]] — [[Париж]]ка [[Эйфель башнята|Эйфель башнятын]] тутуута саҕаламмыт. 1889 сыл кулун тутар 31 күнүгэр тутуу түмүктэммит.
* [[1906]] — Санкт-Петербурга дьахталлар политехническэй куурустара арыллыбыттар — Арассыыйаҕа бастакы дьахталлары үөрэтэр техническэй үөрэх кыһата.
* [[1918 сыл|1918]] — [[Эстония]] уонна [[Латвия]] Арассыыйаттан тутулуга суохтарын биллэрбиттэр.
* [[1932]] — [[Дьоппуон]] сэриилэрэ [[Шанхай]]га саба түспүттэр. Куорат иһигэр буолбут биир ыйдаах кыргыһыы түмүгэр [[Кытай Өрөспүүбүлүкэтэ]] сэбилэниилээх күүстэрин барытын Шанхайтан таһаарбыт.
* [[1935 сыл|1935]] — [[Исландия]] мэдиссиинэ абортун сокуонунан көҥүллээбит бастакы арҕаа дойдунан буолбут.
* [[1958]] — [[Дания]]ҕа Lego хампаанньа оонньуур кубиктарын аныгы конструкциятын патеннаабыт.
* [[1968]] — [[ССРС]] билимин Академиятын ыҥырыытынан Сорбонна профессора Жан Масари Саха Cиригэр кэлэ сылдьыбыт.
* [[1971]] — [[Саха АССР]] Миниистирдэрин Сэбиэтэ [[Өймөкөөн улууһа|Өймөкөөн улууһугар]] хотугу норуоттар экэниэмикэлэрин уонна култуураларын сайыннарыы хайдах баран иһэрин туһунан уураах ылыммыт.
* [[1981]] — [[АХШ]] бэрэсидьиэнэ [[Рональд Рейган]] [[ньиэп]] сыанатыгар хонтуруолу көтүрбүт. Мантан ыла 1979 сыллааҕы ньиэп кириисиһэ бүппүт, 1980-с сыллардааҕы ньиэп аһара оҥорон таһаарыыта уонна сыаната түһүүтэ саҕаламмыт. Ол иһин 1980-с сылларга ньиэп хостуур дойдуларга, ол иһигэр [[Сэбиэскэй Сойуус]]ка, экэниэмикэ кириисиһэ буолбута.
* [[1985 сыл|1985]] — Ядернай сэриини утары Дели декларацията ылыныллыбыт.
* [[1986 сыл|1986]] — [[Америка Холбоһуктаах Штааттара|АХШ]] "Челленджер" хараабыла саҥа көтөн иһэн дьон бөҕө көрөн турдаҕына дэлби тэппит, сэттэ астронавт өлбүттэр.
* [[1992 сыл|1992]] — Арассыыйа бэрэсидьиэнэ [[Борис Ельцин]] «Атыы-эргиэн көҥүлүн туһунан» ({{lang-ru|О свободе торговли}}) ыйаахха илии баттаабыт.

== Төрөөбүттэр ==
* [[1915]] — [[Андреев Борис Николаевич|Борис Андреев]] — кыраайы үөрэтээччи, РСФСР оскуолатын үтүөлээх учуутала. [[Сунтаар улууһа|Сунтаар улууһун]] [[Элгээйи (Сунтаар улууһа)|Элгээйитигэр]] Айылҕа түмэлин олохтообута.
* [[1937]] — [[Алексеев Семен Михайлович|Семен Алексеев]] — суоппар, «Үлэҕэ килбиэнин иһин» мэтээл хаһаайына (1986), [[Горнай улууһа|Горнай улууһун]] Ытык олохтооҕо (1995).
* [[1955]] — [[Николя Саркози]] — 2007-2012 сылларга [[Франция]] бэрэсидьиэнэ.

== Өлбүттэр ==
* [[814]] — [[Улуу Карл]] — франк хоруола, [[Улуу Риим импиэрийэтэ|Ытык Рим импиэрийэтин]] олохтообута.

{{ыйдар}}

[[Категория:Тохсунньу 28]]