Саха литэрэтиирэтин судаарыстыбаннай түмэлэ
Саха литэрэтиирэтин судаарыстыбаннай түмэлэ - саха литэрэтиирэтин устуоруйатын кэпсиир, көрдөрөр тэрилтэ.
Муус устар 17 күнүгэр 1970 сыллаахха аһыллыбыта. Түмэл саха норуотун государственнай, общественнай деятелин, учуонайын, саха сэбиэскэй литературатын төрүттээччитин Платон Алексеевич Ойуунускай аатын сүгэр. Литературнай музей бастаан П. Ойуунускай 1935-1938 сыллаахха дылы олорбут дьиэтигэр арыллыбыта.
Билигин комплекс үс дьиэттэн турар: суруйааччы Тааттатааҕы төрөөбүт балаҕанын куопуйата; отутус сыллардаахха П.А.Ойуунускай дьиэ кэргэнинээн олоро сылдьыбыт мемориальнай музей-дьиэтэ уонна 1981 с. үлэҕэ киирбит икки этээстээх таас уораҕайа киирэр. Экспозициятын былаанын түмэл бастакы салайааччыта Василий Андреевич Протодьяконов-Кулантай уонна суруйааччы Д.К.Сивцев-Суорун Омоллоон оҥобуттара. Билигин түмэл дириэктэрэ норуодунай суруйааччы Николай Алексеевич Лугинов.
Экспозиция
[уларыт | биики-тиэкиһи уларытыы]1980 сыллаахха музей икки этээстээх, саха балаҕанын моһуонунан оҥоһуллубут таас дьиэлэммитэ. Онно саха литературатын историятын сиһилии көрдөрөр экспозиция арыллыбыта.
Билиҥҥи кэмҥэ экспозиция хас да салаалаах:
- Саха суругунан уус-уран литэрэтиирэтэ.
- Сурук-бичик киэҥ эйгэҕэ тарҕаныыта.
- Классиктар – саха литэрэтиирэтин төрүттээччилэр.
- Билиҥҥи саха литэрэтиирэтэ (жанрдарынан).
- Литэрэтиирэлэр доҕордоһуулара – норуоттар доҕордоһуулара.
- Суруйааччылар сойуустара.
Түмэлгэ литэрэтиирэ биэчэрдэрэ, ускуустуба, култуура диэйэтэллэрин кытта көрсүһүүлэр, оҕолорго аналлаах араас өрүттээх күрэстэр, поэзия киэһэлэрэ ыытыллаллар.