Саха тылын быһаарыылаах улахан тылдьыта

Бикипиэдьийэ диэн сиртэн ылыллыбыт
(Мантан: СТБУТ көстө)
Перейти к навигации Перейти к поиску

Саха тылын быһаарыылаах улахан тылдьыта - Гуманитарнай чинчийии уонна хотугу аҕыйах ахсааннаах омуктар кыһалҕаларын институута таһаарар элбэх туомнаах тылдьыта.

Бастакы туома 2004 сыллаахха Новосоибирскай куоракка "Наука" кинигэ кыһатыгар тахсыбыта. Саха Өрөспүүбүлүкэтин наукатын академиятын Гуманитарнай чинчийии институута таһаарбыта. "А" буукубаттан тахсар 4000 кэриҥэ биирдэм уонна сомоҕо тыллаах этэ. Петр Слепцов уопсай эрэдээксийэтинэн тахсыбыта.

Бастакы туомнара көннөрү "Саха тылын быһаарыылаах тылдьыта" диэн ааттаах этилэр, 2007 сылтан ыла, төрдүс туомуттан (К буукубаттан тахсар тыллар аҥаардара) аатыгар улахан диэн тыл эбии суруллар буолбута.

2009 сылтан ыла институут Арассыыйа наукаларын академиятын Сибиирдээҕи салаатыгар киирбитэ, Хотугу аҕыйах ахсааннаах омуктар кыһалҕаларын интситуутун кытта холбоспута, онон алтыс туом ити академия аннынан тахсар буолбута.

Ахсыс (билиҥҥинэн бүтэһик) "С" буукубаттан тахсар тыллардаах туома бэчээккэ 2011 сыл бүтэһигэр бэриллибитэ, атыыга 2012 сыл ортотугар 5000 экземплярынан тахсыбыта.