Модосян Владимир Гегамович
Владимир Гегамович Модосян (1958 сыллаахха бэс ыйын 16 күнүгэр Грузин ССР Гори куоратыгар төрөөбүт) — Сэбиэскэй Сойуус көҥүл тустууга бөҕөһө, ССРС икки төгүллээх чөмпүйүөнэ (1986 уонна 1987), Дьобуруопа чөмпүйэнээтин призёра (1982 уонна 1987), Аан дойду кубогын хаһаайына (1985), Аан дойду чөмпүйүөнэ (1986), Үтүө санаа оонньууларын кыайыылааҕа (1986). ССРС успуордун маастара (1986). Арассыыйа үтүөлээх тириэньэрэ (2011)[1].
Биографията[уларыт | биики-тиэкиһи уларытыы]
Владимир Модосян көҥүл тустуунан 1968 сыллаахтанан дьарыктанар саҕалаабыт. 1975 сыллаахха Красноярскай куоракка көһөн тиийэн ССРС үтүөлээх тириэньэрэ Дмитрий Миндиашвили салалтатынан дьарыктанар буолбут. 1982-1987 сыллардаахха Владимир Модосян ССРС көҥүл тустууга сһһмэрдэммит хамаандатыгар киирэрэ. 1986 сыл киниэхэ хаһааҥҥытааҕар даҕаны ситиһиилээхтик ааспыта -- ССРС, Аан дойду чөмпүйэнээттэригэр, Үтүө санаа оонньууларыгар бастаабыта.
Усуорка карьератын түмүктээн баран тириэньэр үлэтигэр ылсыбыта. Билигин кини Арассыыйа көҥүл тустууга тириэньэрдэрин ыстаабыгар киирсэр. Владимир Модосян саамай биллэр, ситиһиилээх иитиллээччилэрэ -- Арассыыйа чөмпүйүөнэ, Аан дойду чөмпүйэнээтин призера Альберт Саритов[2] уонна Арассыыйа алта, Аан дойду икки төгүллээх чөмпүйүөнэ Виктор Лебедев[3].
Быһаарыылар[уларыт | биики-тиэкиһи уларытыы]
- ↑ Приказ Минспорттуризма от 05.09.2011 № 115-нг «О присвоении почетного спортивного звания "Заслуженный тренер России"» Архыыптаммыт 2011, Балаҕан ыйын 29 күнүгэр.
- ↑ Альберт Саритов: «Главное — не попасть в суету»
- ↑ Петр Юмшанов: «Виктор Лебедев полон желания вновь выигрывать титулы» Архыыптаммыт 2014, Ыам ыйын 17 күнүгэр.