Камерон Бойс
| Ка́мерон Бойс | |
|---|---|
| Cameron Boyce | |
 2017 сылга | |
| Төрөөбүтэ | 28.05.1999, Лос-Анджелес, Калифорния, АХШ  |
| Өлбүтэ | 07.07.2019, Лос-Анджелес, Калифорния, АХШ (20 саастаах) |
| Идэтэ | Актёр, үҥкүүһүт |
| Үлэтин сыллара | 2008-2019 |
| Манньалара | Young Actors Award (2012) |
Ка́мерон Ми́ка Бойс (ааҥл. Cameron Mica Boyce; Ыам ыйын 28, 1999 — От ыйын 7, 2019) — Америкатааҕы актёр уонна үҥкүүһүт этэ. Ордуктук Дисней «Jessie» (2011-2015) уонна «Gamer's Guide to Pretty Much Everything» (2015-2017) ситком сериалларыгар, ону кытта «Descendants» (2015-2019) үс фильмаларыгар сүрүн оруоллардаах буолан аатырбыта.
Биографията
[уларыт | биики-тиэкиһи уларытыы]Ка́мерон Бойс ыам ыйын 28 күнүгэр Лос-Анджелеска, Калифорния штаакка төрөөбүтэ. Кини онно үөрэммитэ (2017 сылга бүтэрбитэ) уонна ийэлиин, аҕалыын, балтытын Майялыын кытта олорбута. Брейк-данска, хип-хопка, аныгылыы үҥкүүлэргэ уһуйар уонна кэрэхсиир этэ. Ону тэҥэ баскетболга оонньуурун таптыыр этэ. Түөрт доҕордуун кытта X-MOB[1] хамаандаҕа кыттыһааччы этэ.
От ыйын 6-7 күнүгэр түүнүн, эдэр сааһыгар (20 саастаах этэ), ана уһун ыарыыттан, утуйа сырыппытыгар өлөн хаалбыта[2].
Карьерата
[уларыт | биики-тиэкиһи уларытыы]2008 сыл ыам ыйыгар кини аан бастаан телевиденияҕа көстүбүтэ — «Panic! At the Disco» рок-бөлөх "That Green Gentleman (Things Have Changed)" диэн видеоклипыгар[3] Райан Росс (бөлөх биирэ) кыра саастааҕын оонньообута. Бу сыл от ыйыгар "General Hospital: Night Shift" диэн мыльнай операҕа көстүбүтэ. Ити кэнниттэн кини киинэҕэ аан-маҥнайгы тахсыыта буолбута — "Mirrors" диэн хоррорфильмҥа кыра оруолу оонньообута. Онтон 2010 сылга «Одноклассники» диэн киинэҕэ оонньообута.
Диснейга маҥнайгы оруоллаах буолбута — «Good Luck, Charlie!» диэн сериалга анал ыалдьыт быыһытынан. Онтон «Shake It Up» диэн ситкомҥа биир серияҕа кыра үҥкүүһүттэр биирдэрэ этэ. 2011 сылтан 2015 сылга диэри «Jessie» диэн телесериалга биир сүрүн оруолу уонна ити ситком спин-оффыгар «Bunk'd»-га сити оруолу оонньообута. Ону кытта кини 2015 сылга Disney ханаалыын «Утумнааччылар» («Descendants») фильмыгар Карлос (Круэлла Де Виль уола) быыһытынан уһуллубута. 2017-гэ «Descendants 2» уонна «Descendants 3» 2019-га эмиэ Карлос оруолун оонньообута.
2019 ыам ыйыгар Hozier ырыаһыт "Almost (Sweet Music)" диэн клипыгар[4] кыттыбыта.
Фильмографията
[уларыт | биики-тиэкиһи уларытыы]| Сыла | Нууччалыы аата | Ааҥыллыы аата | Оруола |
|---|---|---|---|
| 2008 | Зеркала | Mirrors | Майкл Карсон |
| 2008 | На крючке | Eagle Eye | Сэм Холломан |
| 2008 | Главный госпиталь: Ночная смена | General Hospital: Night Shift | Майкл Кейтс-кырата |
| 2010 | Одноклассники | Grown Ups | Кейти Федер |
| 2011 | Держись, Чарли! | Good Luck, Charlie! | албын Гейб Данкан |
| 2011 | Джоди Моди и нескучное лето | Judy Moody and the Not Bummer Summer | Хантер |
| 2011 | Танцевальная лихорадка! | Shake It Up | үҥкүүһүт |
| 2011-2015 | Джесси | Jessie | Люк Росс |
| 2012 | Остин и Элли | Austin & Ally | Люк Росс (2.06 эпизод) |
| 2012-2015 | Джейк и пираты Нетландии | Jake and the Never Land Pirates | Джейк (саҥата) |
| 2013 | Одноклассники 2 | Grown Ups 2 | Кейти Федер |
| 2014 | Совершенный Человек-паук | Ultimate Spider-Man | Люк Росс (саҥата, 3.21 эпизод) |
| 2015 | Лив и Мэдди | Liv and Maddie | Крагг (2.17 эпизод) |
| 2015 | Наследники | Descendants | Карлос Де Виль |
| 2015-2017 | Дневник геймера | Gamer's Guide to Pretty Much Everything | Конор |
| 2015-2017 | Наследники: Злодейский мир | Descendants: Wicked World | Карлос Де Виль (саҥата) |
| 2016 | Реанимация | Code Black | Броди (1.17 эпизод) |
| 2016 | Летний лагерь | Bunk'd | Люк Росс (1.12, 2.06 эпизодтар) |
| 2017 | Наследники 2 | Descendants 2 | Карлос Де Виль |
| 2017 | Человек-паук (мультсериал, 2017) | Spider-Man | Герман Шульц / Шокер (саҥата, 1.03 эпизод) |
| 2019 | Наследники 3 | Descendants 3 | Карлос Де Виль |
| 2019 | Миссис Флетчер | Mrs. Fletcher | Зак (1.01-1.07 эпизодтар) |
Быhаарыылар
[уларыт | биики-тиэкиһи уларытыы]- ↑ Bios | Disney Channel Press (en-US). www.disneyabcpress.com. Тургутулунна 11 Балаҕан ыйын 2017.
- ↑ Cameron Boyce death: Disney Channel star dies in his sleep aged 20.
- ↑ https://www.youtube.com/watch?v=3f3K2sEHuIM Panic! At The Disco: That Green Gentleman [OFFICIAL VIDEO]
- ↑ https://www.youtube.com/watch?v=JJ9IX4zgyLs Hozier - Almost (Sweet Music) (Official Video)