Разумовскай Кирилл Григорьевич

Бикипиэдьийэ диэн сиртэн ылыллыбыт
(Мантан: Кирилл Разумовскай көстө)
Навигацияҕа көс Көрдөбүлгэ көс

Разумовскай Кирилл Григорьевич (кулун тутар 18 (29) күнэ, 1728, Лемеши сэл. (билигин Украина Черниговскай уобалаһа) — тохсунньу 9 (21) күнэ, 1803, Батурин к.) — Арассыыйа билимин академиятын бэһис, бастакы нуучча бэрэсидьиэнэ, фельдмаршал.

1746 сыллаахтан 1798 сыллаахха дылы Арассыыйа билимин академиятын бэһис бэрэсидьиэнинэн (үйэ аҥарыттан ордук) олорбута. Бу киһи Войско Запорожское тиһэх гетмана, фельдмаршал сыбаанньалаах байыаннай киһи этэ. Билимҥэ сыһыана суох 18 саастаах киһи анаммытыгар аан дойду учуонайдара сөҕөн тиэрэ кэлэн түһэ сыспыттара. Ол гынан баран кини быһаччы салайартан туттуммута, дьиҥнээх салалтаны дириэктэрдэргэ көһөрбүтэ (холобур, 1783 сылтан 1794 сыллаахха дылы дириэктэринэн Екатерина II дьүөгэтэ Екатерина Дашкова олорбута)[1].

Быһаарыылар[уларыт | биики-тиэкиһи уларытыы]

  1. 10 президентов Академии наук, Огонек, ыам ыйын 13, 2013