Дуобат
 10×10 дуобат дуоскатыгар бастакы кирбии. | |
| Оонньооччу ахсаана | 2 |
|---|---|
| Age range | Биэс саастан. |
| Оонньууну туруоруу кэмэ | 10-60 сөкүүндэ |
| Алҕас түгэн дьайыыта | Суох |
| Наадалаах ньымалар | Тактика, Стратегия |
Дуобат (эбэтэр дуомат) диэн икки киhи оонньуур абстрактнай стратегическэй дуоска оонньуута. Дуобат диагоналынан хардыылыыр уонна күрэстэhээччи дуобатын нөҥүө ыстанан сиир. Дуобат араас көрүҥнээх. Олортон аан дойдуга ордук тарҕаммыттарынан буолаллар омуктар икки ардыларынааҕы дуобат (10×10 дуоска) уонна ааҥл дуобата (8×8 дуоска).
Дуобат былыр сахаларга элбэхтик оонньонор эбит. Дьон дуобат бөгүүрэлэрин бэйэлэрэ талахтан оҥостоллоро. Уһуктаах бөгүүрэлэр хороох, оройо ойо быһыылааҕа — ньыкаа диэн ааттаналлара.
Нотацияны билбэт былыргы сахалар бэйэлэрэ туспа нотациялаахтара. Дуоска суоллара: уһун дьуруу, эбэтэр сүүрэр үөс (a1-h7), алын уонна үрүт тэпсэҥнэр (g1-a7, h2-b8), үс үөс, эбэтэр үс үктэллээх эргиир (c1-h6, b2-g7, a3-f8), олдьу суоллар (e1-a5, a5-d8, d8-h4, h4-e1)[1].
Көрүҥнэрэ
[уларыт | биики-тиэкиһи уларытыы]- Омуктар икки ардыларынааҕы дуобат
- Ааҥл дуобата
- Бразилия дуобата
- Гана дуобата
- Канада дуобата
- Фриз дуобата
- Пул дуобат
- Испания дуобата
- Нуучча дуобата
- Италия дуобата
- Чех дуобата
- Аргентина дуобата
- Тай дуобата
- Түрк дуобата
Быһаарыылар
[уларыт | биики-тиэкиһи уларытыы]- ↑ Р. Д. Попов, Дуобат дьиктилэрэ, Дьокуускай, 1976