Намжил Нимбуев аатынан бэйиэттэр турнирдара
Намжил Нимбуев аатынан бэйиэттэр турнирдара - Бүрээтийэҕэ ыытыллар күрэс. Аан бастаан Улан-Удэҕэ 2004 сыллаахха ыытыллыбыта.
Елена Васильевна Слепцова – Куорсуннаах – сцена маастара, кэпсэтии, оригинальнай жанрдар артыыскалара, сахалартан бастакынан көтөрдөрү, дьиэ кыылларын дрессировкалааһыны баһылаабыт, СР үтүөлээх артыыската , талааннаах суруйааччы 2004 сыллаахха Улан-Удэ куоракка ыытыллыбыт норуоттар икки ардыларынааҕы бастакы литературнай турнир кыайыылааҕа буолбута. Елена Васильевна бу кэмтэн ыла.Бурятия билиҥҥи кэм суруйааччыта Станислав Куняевы кытта билсибит. С.Куняев - поэт, прозаик, тылбаасчыт, публицист, литературнай кириитик, Калуга куоракка 1932 сыллаахха төрөөбүт.
Ол туһунан суруйааччы маннык кэпсиир:
-Литературнай турнир Бурятия киин куоратыгар Улан Удэҕэ аан бастаан ыытыллыбыта. Турнир нууччалыы толору аата «1 международный турнир поэтов имени Намжила Нибуева по традициям древнего Востока» диэн этэ. Намжил Нимбуев – Бурятскай АССР Улан-Удэ куоратыгар 1948 сыллаахха төрөөбүт, 1971 сыллаахха бу олохтон күрэммит. Бүрээттии, нууччалыы, монголлуу тылынан айар үлэтин суруйбут, уон сэттэ монголлуу тыллаах суруйааччылар айымньыларын нууччалыы тылбаастаабыт. Маны таһынан, бүрээт суруйааччылара Сергей Цырендоржиев, Ябжан Балданжабона, Цырен-Дондон Хамаев, Балдан Ябжанов, Д.Гарма, Дожоо Доржо кэпсээннэрин, сэһэннэрин тылбаастаабыт үтүөлээх.
Намжил Нимбуев эдэр сааһыгар өлбүт буряттар улуу поэттара буолар. Бу улуу поэт аатын үйэтитэр, аан дойдуга таһаарар сыаллаах-соруктаах бу турнир ыытыллыбыта. Манна Тыва, Калмыкия, Кытай, Иркутскай уобалас, Монголия, Саха сирин, Бурятия, Чита поэттара кыттыыны ылбыттара.
Семен Данилов “Чахчылар уонна санаалар” быһа тардыыларга баар 1978 сыллаахха от ыйын 29 күнүгэр суруйбут бэлиэтээһиниттэн: «... Бурятияттан өлөн-быстан кэлэн олоробун. Омугун уратытын сүтэрэн бүтэн эрэр дьон аймаҕы илэ көрөн, санаам айманан, сүрэҕим сүһүрэн кэллим. Бүрээттэр бэйэлэрэ итини улаханы сүтэрэн эрэр курдук санамматтар быһыылаах. Истэрэ – тот, дьоннуу дьиэлээхтэр-уоттаахтар, санныларыгар дьоннуу таҥастаахтар. Онтон ордук кинилэргэ туох да наадата суох. Алдьархайа ити баар. Аччыгыйдар алдьархайбыт...» - диэн Семен Данилов төрөөбүт сахам тыла эмиэ маннык дьылҕаланыах муҥа кэлиэ диэн сүрэҕэр олус дириҥник ылыммыт буолуон сөп. Биллэрин курдук, бүрээттэр тыллара билигин сүтэн, симэлийэн эрэр тылга киирбитэ.
Туһаныллыбыт литература:
[уларыт | биики-тиэкиһи уларытыы]1. Урсун. Дууһа докумуонуттан. Чолбон. 1992. № 1.
2. Василий Иванов. Кэнэҕэскилээҕи кэпсээри. Саха сирэ. 2004. От ыйа..