Буучугурас

Бикипиэдьийэ диэн сиртэн ылыллыбыт
(Мантан: Бочугурас көстө)
Навигацияҕа көс Көрдөбүлгэ көс
Буучугурас
Tetrastes bonasia

Буучугурас эбэтэр бочугурас (нууч. рябчик, лат. Tetrastes bonasia) — кыра, холууптааҕар эрэ улахан, мас көтөрө. Сиппит көтөр ыйааһына 330—580 грамм буолар. Уһуна — 35—37 см. Стаатуһа — уйаланар биир сиргэ олохтоох көрүҥ. Аҕыйахтык көтөр, сиринэн сүүрэрин ордорор. Көтөрүгэр тыастаахтык сапсынар, кылгастык көтөр. Үксүн пааранан сылдьар.

Тарҕаныыта[уларыт | биики-тиэкиһи уларытыы]

Буучугурас Евразияҕа тарҕаммыт көтөр — арҕаа Скандинавия тумул арыытыттан уонна Пиреней хайаларыттан илин Охотскай муора ойуурун зонатынан, Сахалиҥҥа, Маньчжурияҕа, Кореяҕа уонна Хотугу Японияҕа тиийэ. Кавказ уонна Камчаатка ойуурдарыгар суох. Хоту сииктээх хойуу инньэлээх мастаах ойуурдары сөбүлүүр. Соҕуруу хатыҥнаах, ольхаалаах уонна тэтиҥнээх буккаас ойуурдарга олохсуйар.