Биһирэм тыл (араадьыйа биэриитэ)
(Мантан: Биһирэм тыл көстө)
"Биһирэм тыл" - саха араадьыйатыгар Михаил Петрович Алексеев-Дапсы ыытар биэриитэ. Өрөбүл аайы 09:35 ч тахсар. Биэрии, сүрүннээн, саха тылыгар сыһыаннаах. Үксүгэр тылы ырытар, дьон саҥатыгар сыыһаны ыйан биэрэр. Сороҕор биэрии хайа эмэ суруйааччыга, бэйиэккэ, туох эмэ суолталаах сабыытыйаҕа ананааччы. Биэрии араас кэмҥэ араас уһуннаах этэ. Хаста даҕаны быһа тахсар буола сылдьыбыта. Нэдиэлэ иккитэ тахса сылдьыбыта эмиэ баар этэ. Ол эрээри билигин эрдэ суруллубута эрэ тахсар.
Биэрии С. Зверев-Кыыл Уолун ырыатыттан саҕаланар. Онтон Дапсы "Нөрүөн нөргүй! "Биһирэм тыл", Дапсы" диэбитинэн биэриитин саҕалыыр.