Бикипиэдьийэ:Күрэс:Нэһилиэктэр - Бикипиэдьийэҕэ 2016
Болҕойуҥ! Күрэс түмүктэннэ!
Быраабылата
Адьас кылгастык: Саҥа ыстатыйа, нэһилиэк туһунан, үрдүк таһымнаах, кырата 2 000 баайтаах уонна 200 тыллаах, 2016 сыл сэтинньи 10 күнүттэн 2017 сыл олунньу 10 күнүгэр диэри суруллубут, тиһилик (испииһэк) буолбатах.
- Ыстатыйаны 2016 сыл сэтинньи 10 күнүттэн 0:00 чаастан 2017 сыл олунньу 10 күнүгэр 23:59 (UTC) чааска диэри кыттааччы бэйэтэ саҥаттан суруйбут буолуохтаах (а.э. ыстатыйа омоонун тупсарыы буолуо суохтаах).
- Ыстатыйа ыйааһына 2 000 баайтан ыарахан уонна кырата 200 тыллаах буолуохтаах.
- Суолталаах тиэмэҕэ суруллубут буолуохтаах.
- Ыстатыйа итэҕэтиилээх төрүттэргэ олоҕурбут буолуохтаах; саарбах эбэтэр мөккүөрдээх өрүтэ сытаатаннан бигэргэтиллиэхтээх.
- Ыстатыйа тылын-өһүн таһыма үрдүк, истиилэ бикипиэдьийэҕэ дьүөрэлээх буолуохтаах.
- Итэҕэстээҕин туһунан анал бэлиэтэ суох буолуохтаах.
- Ыстатыйа тиһилик (испииһэк) буолуо суохтаах.
- Ыстатыйа толору буолуохтаах.
- Ыстатыйа тиэмэтэ саха сирин ханнык эмит нэһилиэгэр быһаччы сыһыаннаах буолуохтаах (нэһилиэк бэйэтин туһунан, нэһилиэккэ баар буола сылдьыбыт, эбэтэр үлэлии турар бөдөҥ тэритэ туһунан, өөрөспүүбүлүкэ таһымыгар биллибит нэһилиэк киһитин туһунан).
- Ыстатыйаны тэрийээччи суруйбут буоллаҕына, ол ыстатыйаны атын тэрийээччи тургутуохтаах.
- Быһаарыы: Ыстатыйа күрэскэ кыттарын кыттыбатын тиһэх уһугар анаан тэриллибит Дьүүллүүр сүбэ быһаарар.
- 4 быраабылаҕа толору хоруйдуур ыстатыйаны суруйбут киһи аналлаах сэртипикээт тутуоҕа.
- Бикипиэдьийэҕэ ордук элбэх ирдэбилгэ хоруйдуур ыстатыйалаах нэһилиэк Бикипиэдьийэҕэ уһулуччу көрдөрүүлээх нэһилиэк - 2016 ытык ааты сүгүөҕэ, аналлаах сэртипикээт тутуоҕа, ону таһынан Саха сирэ хаһыакка нэһилиэк туһунан анал ыстатыйа бэчээттэниэ.
Тэрийээччилэр
- Бикипиэдьийэттэн HalanTul
- "Саха Медиа" холдингтан "Саха сирэ" хаһыат сүрүн эрэдээктэрэ Чокуур Гаврильев
- Egerman
Бэлиэтэнии
Бэйэҕин сурун уонна суруйбут ыстатыйаларыҥ ааттарын киллэр.
Түмүк
Дьүүллүүр сүбэ мунньахтаан, кыттыылаахтар суруйбут ыстатыйаларын көрөн-истэн баран (ол иһигэр сорох ыстатыйаны атын дьон уларыппытын учуоттаан туран), маннык түмүккэ кэллэ:
- Бастакы миэстэни 11 элбэх сибидиэнньэлээх саҥа ыстатыйаны суруйбут, өссө биир ыстатыйаны лаппа тупсарбыт кыттааччы Вера Григорьевна Соловьева ылла.
- Иккис миэстэни 10 киһи туһунан саҥа ыстатыйа омоонун саҕалаабыт, өссө 8 киһи туһунан ыстатыйаҕа кыралаан уларытыы киллэрбит кыттааччы Ньургун1995 ылла.
- Үһүс миэстэни 5 киһи туһунан саҥа ыстатыйаны уонна 3 киһи туһунан урут баар ыстатыйаны тупсарбыт кыттааччы Раиса Иннокентьевна ылла.
- Маны таһынан, дьүүллүүр сүбэ 3 саҥа ыстатыйаны суруйбут Нина Федоровна диэн кыттааччыны уонна биир саҥа ыстатыйаны суруйбут, икки ыстатыйаны тупсарбыт Айанньыт диэн кыттааччыны бэлиэтиир.
Өссө 6 кыттааччы биирдии ыстатыйаны суруйдулар: Пестряков Арсен, Баһылай, Денис Ядрихинский, Алексеев Семен, Сивцева Айыына, Гуляева Ксения Александровна. Taya-japanss диэн кыттааччы ыстатыйатын атын сиргэ укпутун булан ылан көһөрөн уонна тупсаран биэрдибит. Эбээхчээнэ диэн кыттааччы биир урут баар ыстатыйаны тупсарда.
- Эбии быһаарыы: Кэлин биллибитинэн, күрэскэ анаан өссө биир ыстатыйа суруллубут эбит. Ол эрээри, хомойуох иһин, бу ыстатыйа төһө да улаханын, уһунун иһин ханнык да ирдэбилгэ хоруйдаабат, онон күттүөннээх уларытыы ирдэнэр. Ол курдук, аатын эппэтэх кыттааччы укпут, аата уонна истиилэ энциклопедия ыстатыйатыгар сөп түбэспэт, сахалыы буукуба оннугар майгынныыр нуучча буукубалар туттуллубуттар, ыстатыйаҕа ирдэнэр тутул тутуһуллубатах, категорията ыйыллыбатах, атын ыстатыйаларга биир да сигэтэ суох. Манна үлэлэспит дьон, бука диэн, ыстатыйаларын тупсаралларыгар баҕарыа этибит.