Филиппов Петр Иванович

Филиппов Петр Иванович (1915.06.25 - 1985.02.12) - прозаик, литература ырытааччыта. Саха АССР култууратын үтүөлээх үлэһитэ. 1966 сылтан ССРС СС (Суруйааччылар сойуустарын) чилиэнэ.

Сунтаар улууһугар Сунтаар нэһилиэгэр төрөөбүтэ. 1932 сыллаахха Сунтаардааҕы колхоз эдэр ыччат оскуолатын, 1952 сыллаахха Дьокуускайдааҕы областной партийнай оскуоланы, 1958 сыллаахха ССКП КК Үрдүкү Партийнай оскуолатын бүтэрэр. Алын сүһүөх оскуолаҕа үөрэтээччинэн үлэлээбитэ, комсомольскай үлэҕэ сылдьыбыта, "Ленские маяки" диэн улуустар хаһыаттарыгар редактордаабыта, "Кыым" хаһыат редакторын солбуйааччыта буола сылдьыбыта, Саха АССР телевидение уонна радио Судаарыстыбаннай Комитетын литературнай-уран биэриилэр сүрүн редакторын солбуйааччыта этэ. 1942 сылтан ССКП чилиэнэ.

1937 сыллаахха бэчээттэнэн саҕалаабыта. 1961 сыллаахха "Хотугу сулус" сурунаалга М.К. Аммосов туһунан бастакы улахан очеркатын таһаарар. Филиппов очерктара уонна литературнай мэтириэттэрэ 1967 сыллааха "Дьыллар уонна дьоннор" диэн хомуурунньук буолан тахсыбыттара.

Кинигэлэрэ

• Революция саллаата : М. К. Аммосов олоҕун туһунан очеркалар. - Дьокуускай, 1962. – 285 с.
• Дьыллар уонна дьоннор. Биогр. очеркалар, кэпсээн, сэhэн. - Дьокуускай, 1967, 1977. – 277 с.
• Араҥас сулус анныгар. Сэhэннэр, кэпсээннэр, очеркалар. - Дьокуускай, 1985. Е. И. Третьякова уруһуйа. – 232 с.
• Сэһэннэр, кэпсээннэр, очеркалар / П. И. Филиппов. – Дьокуускай : Кинигэ изд-вота, 1977. – 279 с.

Сигэлэр

• Филиппов Петр Иванович Архыыптаммыт 2016, Сэтинньи 4 күнүгэр.