Саха аһа

Бикипиэдьийэ диэн сиртэн ылыллыбыт

Саха аһа. Сахалар сүөһү этин элбэхтик сииллэр. Ынах уонна сылгы эттэрин. Ынах этин ууга буһаран биитэр кыра гынан кырбастаан баран арыылаах хобордооххо ыһаарылаан хороотон ылаллар. Сылгы этин үксүн кыһын сэтинньи ый саҥатыттан саҕалаан кыһыны быһа тоҥнуу сииллэр.

Сүөһү ис буотараҕа эмиэ саха аһа буолар ону ис, үөрэ миинэ диэн ааттыыллар. Оһоҕосторун сууйан хааны куталлар ону ууга буһаран хаан диэн ааттаан сииллэр.

Туйахтарын, кутуругу, төбөнү эмиэ аска ыыталлар онтон халадьыас (нууч. студень) диэни оҥорон сииллэр.

Маны таһынан саха булт этин элбэхтик сиир. Кус арааһын, куруппааскы, улар, куобах, тайах, таба, ардыгар эһэ даҕаны эттэрин бултаан сииллэр.

Балык арааһын, кыра улахан күөллэргэ, үрүйэлэргэ, өрүстэргэ ууһуур балыктары ону таһынан хотугу байҕал биэрэр араас балыгын эмиэ балыктаан сииллэр.

Үрүҥ ас элбэхтик сиэнэр. Үүттэн арааһы оҥороллор: сүөгэй, арыы, суорат, чохоон, көбүөр, үрүмэттэн баахыла, саламаат уо.д.а.

Быһаарыылар[уларыт | биики-тиэкиһи уларытыы]