Римскай-Корсаков Николай Андреевич

Бикипиэдьийэ диэн сиртэн ылыллыбыт
Римскай-Корсаков мэтириэтэ, Валентин Серов уруһуйа, 1898

Римскай-Корсаков Николай Андреевич, диэн Арассыыйа композитора. Бэйэтин кэмигэр биир улуу композитар этэ уонна атын композитордарга улахан сабыдыалы оҥорбута. Арассыыйа атын композитордарын курдук ойоҕос дьарыгырааччы этэ, дьиҥ үлэтэ флотка баара.

Римскай-Корсаков Новгород аттыгар 1844 сыл кулун тутар 18 күнүгэр төрөөбүтэ уонна 1908 сыл бэс ыйын 21 күнүгэр Лыбенскай (Санкт-Петербург аттыгар баар куорат) аттыгар өлбүтэ. Ордук биллэр үлэлэрэ - опералар, оркестра музыката уонна ырыалар. Оркестра музыкатын суруйарга биир чулуу композитар этэ уонна оркестр тэрээһинин туһунан улахан үлэни суруйбута. Сказкалар уонна легендалар тустарынан музыканы айарын таптыыра. Ордук биллэр айамньылара - Шахерезада. Ону тэҥэ Модест Мусоргскай бүтэрбэтэх үлэлэрин салҕаабыта.

Олоҕо[уларыт | биики-тиэкиһи уларытыы]

Early years[уларыт | биики-тиэкиһи уларытыы]

Римскай-Корсаков 1844 сыллаахха төрөөбүтэ. Дьиэ кэргэнигэр эр дьон улахан өттө Россия флотугар сулууспалыыллара. Кыра эрдэҕиттэн музыкаҕа дьоҕурун көрдөрбүтэ. Ырыалары наар ыллыы, истибит ырыатын ноталара суох тута пианоҕа ооннььуура. Алта саастааҕар пианонан дьарыктарнарын саҕалаабыта. Глинка Царь олоҕо диэн операта улахан өйдөбүлү хааллаарбыта. Ол гынан баран син биир флотка сулууспалыан баҕарара, ол иһин 1862 сыллаахха Флот училищетыгар киирбитэ.

Флот училищетыгар даҕаны пианонан дьарыктанарын салҕаабыта. Чулуу пиано онньооччута буолбатын даҕаны араас опералартан чаастары пианоҕа оонньуурун сөбүлүүрэ. Олус биллэр композитордары кытары билсиспитэ, ол курдук Балакиревы, Мусоргскайы кытта билсиспитэ. Балакирев кини композицияларын туһунан сүбэ биэрбитэ. Симфонияны суруйарын саҕалаабыта да, икки аҥаар сылга муораҕа ыытыллыбыта. Алмаас диэн ааттаах хараабылга сулууспалаабыта. Хараабыл араас дойдуларга сылдьыбыта - Балтикаттан Нью-Йоркаҕа дылы, Рио де Жанейроттан Средиземнай муоранан. Кэлбитин кэнниттэн Балакирев симфониятын суруйарын бүтэрэр курдук көрдөспүтэ.

Быһаарыылар[уларыт | биики-тиэкиһи уларытыы]

  • The New Grove Dictionary of Music and Musicians, ed. Stanley Sadie; 1980; ISBN 1-56159-174-2

Халыып:DEFAULTSORTRimsky-Korsakov, Nikolai