Муррей

Австралия өрүстэрин саамай улахан системата — Муррей (ааҥл. Murray) өрүһэ Дарлинг диэн бөдөҥ салаатын кутта буолар. Улахан Водораздельнай сис хайаттан саҕаланаллар. Дарлинг алын сүнньүнэн кураан кэмҥэ кууран хаалар, тус-туспа уулаах түөлбэлэргэ арахсар. Муррей куурбат, ол эрээри уутун таһыма улаханнык уларыйар. Ардахтаах кэмҥэ өрүс хаптаҕай дэхси сиргэ күүскэ халаанныыр. Халааннааһына түргэнник саҕаланан баран, сотору ааһан хаалар.

Австралияҕа толору уулаах бөдөҥ өрүс суох. Материк иэнин улахан аҥара акыйааҥҥа түһэр уута суох. Материк суйдам уонна суйдам аҥардаах ис өттүгэр быстах кэмнээх, кууран хаалар өрүстэр - криктэр бааллар. Сыл устатын тухары толору уулаах өрүстэр Австралия илин өттүгэр эрэ бааллар, онно сөҥүү элбэхтик түһэр. Өрүс ардахтан, сир аннынааҕы ууттан эрэ ууланар.

Уу таһыма түргэнник халбаҥныыр буолан, Муррейга, Дарлиҥҥа суднонан сылдьыһыы уустугурар. Өрүс уутун быйаҥнаах эрээри кураайы сири нүөлсүтүүгэ туһаналлар. Онно водохранилище туппуттар.

Литература

• Коринская В. А. География: Материктар, акыйааннар географиялара: Орто оскуола 7 кылааһын учебнига. — Дьокуускай: Бичик, 1997.