Виноба Бхаве

Бикипиэдьийэ диэн сиртэн ылыллыбыт

Виноба Бхаве (Винаяк Нарахари Бхаве; 1895 сыллахха балаҕан ыйын 11 күнүгэр төрөөбүтэ, 1982 сыллаахха сэтинньи 15 күнүгэр өлбүтэ) – Индия бөлүһүөгэ, религиовед-учуонай, бэлиитик, Индияҕа “Бэлэх сир” диэн улахан хамсааһыны төрүттээбит киһи.

Виноба Бхаве брахман дьиэ кэргэнигэр төрөөбүт. 1916 сыллаахха кини аатырбыт Махатма Ганди үөрэнээччитэ буолбута. 1920-с уонна 1930-с сыллардаахха британия холуонньалаан олоруутун утарар аахсыйаларга кыттан хас да төгүл хаайылла сылдьыбыта. 1940 сыллаахха Индия Аан дойду икки сэриитигэр кыттарын утаран эмиэ хаайыллыбыта уонна түөрт сыл буолан баран 1944 сыллаахха босхоломмута.

Виноба Бхаве 1948 сыллаахха тохсунньу 30 күнүгэр Махатма Гандины өлөрбүттэрин кэнниттэн гандистар биир бас-көс суолталаах, улахан аптарытыаттаах киһилэрэ буолбута. Кини хас да төгүллээн “Сири – бааһынайдарга” аахсыйаны тэрийбитэ, сири сиэрдээхтик үллэрии хамсааһыннарыгар кыттыбыта.

Виноба Бхаве хаан-сиин тохторун өлөрдүү абааһы көрөр, сөбүлээбэт буолан, хаан-тохтуута, күүһүнэн өттөйүүтэ суох утары туруулары тэрийэрэ. Ол курдук кини 1979 сыллахха соруйан хоргуйарын (голодовка) туһунан биллэрэн, федеральнай бырабыыталыстыбаны ынаҕы өлөрбөт туһунан (Зокон “О запрещении убоя коров”) сокуон ылынарыгар күһэйбитэ.

1984 сыллаахха Виноба Бхаве өлбүтүн кэннэ Бхарат Ратна аатынан наҕарааданы иҥэрбиттэрэ.

1953 сыллаахха кини “Bhoodan Yajna” үлэтэ бэчээттэммитэ.