Муус устар 29

Муус устар 29 диэн Грегориан халандаарыгар сыл 119-с күнэ (ордук хонуктаах сылга 120-c күнэ). Сыл бүтүө 246 күн баар.

Бырааhынньыктар

Аан дойдуга Үҥкүү күнэ. ЮНЕСКО быһаарыытынан 1982 сыллаахтан француз балетмейстера Жан Жорж Новер төрөөбүт күнүгэр болдьохтонон бэлиэтэнэр.

Түбэлтэлэр

• 1627 — Ришельё кардинал сорудаҕынан Канааданы чинчийэр уонна олохсутар соруктаах Сүүс акционер Хампаанньата тэриллибит.
• 1770 — Англия хапытаана Джеймс Кук аан бастаан Австралияҕа түспүт.
• 1863 — Арассыыйаҕа таһыйыыны хааччахтаабыттар.
• 1978 — Ойуунускай аатынан Судаарыстыбаннай бириэмийэ "Ханидо уонна Халерха" ааптарыгар Семен Куриловка уонна Ньурбаттан төрүттээх Дьокуускай билиҥҥи киинин сүрүн дьиэлэрин ("Лена" гостиница, ЛОРП дьиэтэ, Өксөкүлээх киинэ, АЛРОСА дьиэтэ уо.д.а.) бырайыактаабыт архитекторга Дмитрий Саввиновка анаммыт.
• 1982 — Кытай нэһилиэнньэтин ахсаана 1 миллиарды ааспыт. Бу иннинээҕи 30 сыл устата (1950-1980 сс) Кытай дьонун ахсаана быһа холоон икки төгүл элбээбит. Онтон 1979 сыллаахтан ыла "биир оҕо политиката" киллэриллэн, дьон элбиирин тэтимэ бытаарбыт.

Төрөөбүттэр

• 1727 — Жан Жорж Новер (ө. 19.10.1810) — хореграфическай искусствоны уларыппыт үҥкүүнү үөрэтээччи, француз балетмейстера. Кинини «билиҥҥи балет аҕата» диэн ааттыыллар. ЮНЕСКО быһаарыытынан 1982 сыллаахтан Ж. Ж. Новер төрөөбүт күнүгэр аан дойду Үҥкүү күнүн бэлиэтиир.
• 1929 — Уржумцев Юрий Степанович (1929—2002), Арассыыйа НА чилиэнэ-корреспондена, 1997—2002 сылларга Саха сиринээҕи Наука киинин Президиумун бэрэссэдээтэлэ.
• 1956 — Мэҥэ-Хаҥалас Тараҕай нэһилиэгэр хомусчут Федора Гоголева.

Өлбүттэр

• 1980 — Альфред Хичкок (1899 с.т.)