Лонгинов Владимир Дионисьевич: Барыллар ыккардыларынааҕы ураты
Көннөрүү туһунан суруллубатах |
|||
39 устуруока: | 39 устуруока: | ||
== Наҕараадалара == |
== Наҕараадалара == |
||
* «Кыһыл Сулус» мэтээл (25.10.1943)<ref>{{Подвиг Народа|27989227|title=Наградные документы}}</ref> |
* [[«Кыһыл көмүс Сулус» мэтээл]] (25.10.1943)<ref>{{Подвиг Народа|27989227|title=Наградные документы}}</ref> |
||
* [[Ленин уордьана]] (25.10.1943) |
* [[Ленин уордьана]] (25.10.1943) |
||
18:32, 26 Балаҕан ыйын 2014 барыл
Лонгинов Владимир Дионисьевич | |||
Төрөөбүт күнэ | |||
---|---|---|---|
Төрөөбүт сирэ | |||
Өлбүт күнэ |
18 сэтинньи 1943 (24 сааһыгар) | ||
Өлбүт сирэ | |||
Сулууспалаабыт дойдута | |||
Сулууспалаабыт сыллара |
1941—1943 | ||
Солото | Старшай сержант | ||
Чааһа |
722-с СП, 206-с СД | ||
Кыргыһыылар/сэриилэр | |||
Наҕараадалара |
|
Лонгинов Владимир Дионисьевич (02.09.1919, Танда, Уус-Алдан улууһа, Саха уобалаһа — 18.11.1943, Украина) — старшай сержант, Аҕа дойду Улуу сэриитин кыттыылааҕа, Сэбиэскэй Сойуус Геройа (1943).
Олоҕун олуктара
1919 сыллаахха балаҕан ыйын 2 күнүгэр Саха уобалаһыгар Танда сэлиэнньэҕэ нуучча аҕабытын дьиэ кэргэнигэр төрөөбүт. Ийэтэ саха.
Уус-Алдан улууһугар Бээрийэҕэ бастакы сүһүөх оскуолатын бүтэрбит. Ол кэннэ Үөһээ Бүлүүгэ үөрэммит. Томпоҕо финансиһынан, Дьокуускайга Госстрах инспекторынан үлэлээбит.
Кыһыл Аармыйаҕа Дьокуускай военкоматынан 1941 сыллаахха ыҥырыллыбыт. 1941 сыл атырдьах ыйыттан Аҕа дойду Улуу сэриитигэр 722-с стрелковай полк пулемёт расчётун командира; Воронеж куораты уонна Украинаны босхолооһуҥҥа кыттыбыт.
Днепр өрүһү туорааһыҥҥа хорсун быһыыта бэлиэтэммитэ: 1943 сыл балаҕан ыйын 25 күнэ буолар түүнүгэр биир бастакынан пулемёттаах Днепр өрүһү Канев куорат аннынан туораан, пулемётун уотунан туоруур сири хаххалаабыт, полк подразделениелара плацдарм ылалларыгар өйөбүл буолбут, 80-н тахса өстөөҕү суох гыммыт.
ССРС Үрдүкү Сүбэтин Президиумун 1943 сыл алтынньы 25 күнүнээҕи Ыйааҕынан Днепр өрүһү ситиһиилээхтик туорааһын, арҕаа кытылыгар плацдарм бөҕөтүк тутуллубутун уонна хорсун, геройдуу быһыытын иһин старшай сержант Лонгинов Владимир Денисовичка[1] Сэбиэскэй Сойуус Геройун аата иҥэриллибитэ.
1943 сыллаахха сэтинньи 18 күнүгэр өстөөх контрударын төттөрү охсууга өлбүт. Өр кэмҥэ сураҕа суох сүппүтүнэн ааҕылла сылдьыбыт. Черкасскай уобалас Каневскай оройуонун Пшеничники сэлиэнньэтигэр көмүллүбүт.
Наҕараадалара
- «Кыһыл көмүс Сулус» мэтээл (25.10.1943)[2]
- Ленин уордьана (25.10.1943)
Аатын үйэтитии
- Каневскай оройуон Пшеничники сэлиэнньэтигэр өйдөбүнньүк туруоруллубут.
- Уус-Алдан улууһугар, Бороҕоҥҥо уонна Тандаҕа, Геройдар аллеяларыгар бюст туруоруллубут.
- Үөрэммит оскуолатыгар Бээрийэҕэ өйдөбүнньүк бэлиэ туруоруллубут.
- Дьокуускайга Росгосстрах компания дьиэтигэр өйдөбүнньүк доска туруоруллубут.
- Герой аата Атамай орто оскуолатыгар иҥэриллибит (2005).
- Герой аатынан Дьокуускай, Бороҕон уонна Танда уулуссалара ааттаммыттар.
Быһаарыылар
- ↑ Наҕараада докумуоннарыгар аҕатын аата сыыһа Денисович диэн ыйыллыбыт.
- ↑ Наградные документы в электронном банке документов «Подвиг Народа»
Сигэлэр
Лонгинов Владимир Дионисьевич. Cитим-сир «Герои Страны».