Программалааhын тыла

Программалааhын тыла диэн массыыналар (бастатан туран көмпүүтэрдэр) үлэлэрин туhаайар оҥоhуу тыл. Программалааhын тыллара программалары айарга, алгоритмнары көрдөрөргө эбэтэр дьон билсиитин биир көрүҥэ курдук туттуллаллар.

Элбэх программалааhын тылларын суруйуулара синтаксистарыттан уонна семантикаларыттан тутулуктаах уратылаахтар, тоҕо диэтэр көмпүүтэрдэр лоп бааччы инструкцияларга эрэйэллэр.

Эрдэтээҕи программалааhын тыллара көмпүүтэр айыллааhынын иннинэ үөскээбиттэрэ, кинилэр Жакар таҥас өрөөччүтэ эбэтэр бэйэтэ оонньуур пианино курдук массыыналар майгыларын туhаайарга туттуллаллара. Билигин тыhыынчанан араас программалааhын тыллара бааллар, үксүлэрэ көмпүүтэргэ аналлаахтар. Хас сыл аайы саҥа тыллар үөскүүллэр.

Быhаарыы

Программалааhын тылын өйдөбүлэ үксүн маннык быhаарыллар:

• Функция: Программалааhын тыла көмпүүтэр суоттааhыны эбэтэр алгоритмы толоруутун уонна тас тэриллэри (принтер, робот уо.д.а.) хонтуруоллуурун көҕүтэр көмпүүтэр программаларын суруйарга туттуллар тыл буолар.

• Сорук: Программалааhын тыла айылҕа тылыттан уратыта диэн, айылҕа тыла дьон билсиитигэр эрэ туттуллар, онтон программалааhын тыла онно эбии киhи массыынаҕа сорудахтары биэрэрин көҥүллүүр. Сорох программалааhын тыллара биир тэрил атыны хонтуруоллууругар туттуллаллар.

• Толоруу: Программалааhын тыла биэрии тутулларын быhаарарга уонна сирдииргэ уонна суоттааhын бырассыаhынан салайарга туттуллуон сөп.