Ponsash

Бикипиэдьийэ диэн сиртэн ылыллыбыт
Перейти к навигации Перейти к поиску

Александр Пономарев "Ponsash", - Саха Сирин биллиилэх ырыаһыта. Ponsash ырыаларын элбэх дьон дуоһуйа истэр уонна сэргиир.

Олоҕун олуктара[уларыт | биики-тиэкиһи уларытыы]

Кини 1987, кулун тутар 13 күнүгэр төрөөбүтэ уонна Чурапчы улууһун Чыаппара (Алаҕар) нэһилиэгэр улааппыта. Г.Д.Протодьяконов аатынан Алаҕар орто оскуолатыгар үөрэнэ сылдьан "Чаҕылыс" диэн Саха КВН хамаандатыгар оонньообута. Саша кыра эрдэҕиттэн ыллаан саҕалаабыта. Бастакытын сыанаҕа үһүс кылааска сылдьан ыллабыта. Оҕо эрдэҕиттэн компьютеры сөптөөхтүк туттар этэ, ол иһин инники ырыа айарыгар ити үөрэҕэ көмөлөспүтэ. Оскуолаҕа сылдьан ырыа айан саҕалаабыта уонна Дьокуускай куоракка киирэн, устудьуоннуу сылдьан дьон биһирэмин ылбыта. Максим Кирович Аммосов аатынан Хотугулуу-Илиҥҥи Федеральнай университекка ИМИ-га программист үөрэҕин бүтэрбитэ. Устудьуоннуу сылдьан "Бэйэ дьоно" диэн группа тэрийбитэ.

Айар үлэтэ[уларыт | биики-тиэкиһи уларытыы]

Ырыаларын матыыбын уонна тылларын бэйэтэ суруйар, ол иһин ырыалара истиҥ, иһирэх буолаллар. Виктор Иванович Хон - Омук уола ырыаларын тылларын суруйарга улахан көмө буолбута. Маннык биллэр ырыалардаах: 1) Ponsash & Fiesta - Кытылга. 2) Ponsash - Күүтүҥ(2015). 3) Ponsash - Туохтан. 4) Ponsash - Ураты оҥоһуу. 5) Рустам Хон & Ponsash - Таптыыбын. 7) Fiesta - Represent feat. Ponsash. 8) Ponsash - Оскуола, уо.д.а.

Бастакы ырыата 2007 сылга, атырдьах ыйыгар тахсыбыта. Ырыалара үксүн таптал туһунан. Fiesta диэн хос ааттаах рэперы кытары тэҥҥэ ыллаһан элбэх биллэр ырыалары тэҥҥэ таһаарбыттара. Билигин кинилэр ырыаларын билбэт дьон аҕыйаҕа буолуо. Биир дойдулаахтара Сашанан олус киэн тутталлар. Олоҕун тухары 3 улахан сольнай концерт ыыппыта. Дьокуускай куоракка 2008 сылга "Алаҕар студияны" олохтообута. Билигин кини үксүн ырыа айааһынынан дьарыгырар. Кэргэнинээн 3 оҕолоохтор. Иннин диэки элбэх саҥа бырайыактардаах. ==