Cосин Иннокентий Михайлович

Бикипиэдьийэ диэн сиртэн ылыллыбыт
Перейти к навигации Перейти к поиску

Cосин Иннокентий Михайлович (1928.12.01) — оҕо суруйааччыта. 1992 сылтан Арассыыйа Суруйааччылар сойуустарын чилиэнэ.

Мэҥэ Хаҥалас улууһун Моорук нэһилиэгэр төрөөбүтэ. 1955 сыллаахха Дьокуускайдааҕы педагогическай үнстүтүүтү бүтэрэр, 1970 сыллаахха ССКП КК үрдүк партийнай оскуолатын суруналыыс салаатын бүтэрэр. Колхуоска маныыһытынан, сэлиэнньэ сүбэтин сэкэрэтээринэн үлэлээбитэ. Педүнстүтүүтү бүтэрэн баран саха тылын уонна литэрэтиирэтин үөрэтээччинэн үлэлээбитэ, сэттэ кылаастаах оскуола дириэктэрэ буолбута. Үрдүкү Партийнай Оскуоланы бүтэрбитин кэннэ Мэҥэ Хаҥалас уонна Амма улуустааҕы хаһыаттарын эрэдээктэринэн, онтон «Билии» диэн түмсүү улуустааҕы салаатын эппиэтинэстээх сэкэрэтээринэн үлэлээбитэ.

1950 сылтан бэчээттэнэр. Айар үлэтин хоһоонньут-ырыанньык быһыытынан саҕалыыр. Кини хоһоонноругар отуттан тахса ырыа айыллыбыта. 70-с сыллар бүтүүлэригэр прозаҕа көһөр, сүрүн тиэмэтэ — саха оҕолорун олоҕо. «Сахсаахаан Сахаар кэпсээннэрэ» диэн бастакы кинигэтин 1979 сыллаахха таһаарар.

И. Сосин бастыҥ кэпсээннэрэ оскуола хрестоматиеларыгар киирбиттэрэ. «Лена эбэбит кытылларыттан» диэн Аҕа Дойду Улуу сэриитин саллааттарын туһунан кэпсээннэр хомуурунньуга кылаас таһынан ааҕыы босуобуйата буолбута.

Кинигэлэр[уларыт | биики-тиэкиһи уларытыы]

  • Сахсаахаан Сахаар кэпсээннэрэ. — Дьокуускай, 1979.
  • Тыа саҕатыгар. Кэпсээннэр. — Дьокуускай, 1981.
  • Кымырдаҕас үлэтигэр тахсыбата. Кэпсээннэр. — Дьокуускай, 1983.
  • Лена эбэбит кытылларыттан. Кэпсээннэр. — Дьокуускай, 1984.
  • Инна кэпсээ эрэ. Кэпсээннэр. — Дьокуускай, 1985.
  • Төрөөбүт ыырдарым. Кэпсээннэр. — Дьокуускай, 1988.
  • Ойуурга моҕотон угуйар. Кэпсээннэр. — Дьокуускай, 1990.
  • Олох уустара. Очеркалар. — Дьокуускай, 1991.
  • Абааһы туhунан кэпсээннэр. — Дьокуускай, 1993.

Сигэлэр[уларыт | биики-тиэкиһи уларытыы]

Кыттааччы:Моорук нэһилиэгэ