Altan School (Алтан ИТ-оскуолата)

Altan School (сах. Алтан ИТ-оскуолата) - оҕолорго уонна ыччакка (6–17 саастаахтарга) аналлаах программирование уонна компьютернай графика аан дойдутааҕы оскуолата. Altan School 2017 сыллаахха Дьокуускайга М.К. Аммосов аатынан Хотугулуу-Илиҥҥи федеральнай университет (ХИФУ) «OREH» бизнес-инкубаторын базатыгар төрүттэммитэ. Cаха Cиригэр (Дьокуускай) уонна Казахстанҥа (Алматы) салаалардаах. Тоҕус сыл иһигэр 10 000 тахса оҕо үөрэнэн таҕыста. Билигин Altan School диэн Саха сириттэн тахсыбыт ИТ-үөрэхтээһин биир саамай ситиһиилээх франшизата буолар.

Төрүттээччилэр уонна партнердар

Дьулустаан Осипов — оскуола биир төрүттээччитэ, аан дойдутааҕы ситим уонна Казахстаннааҕы салаа салайааччыта. Кини Алматы куоракка саха диаспоратын көхтөөх кыттыылааҕа, араас култуурунай тэрээһиннэри (ол иһигэр Казахстаннааҕы Ыһыаҕы) тэрийээччилэртэн биирдэстэрэ.
Иван Ноговицын — оскуола биир төрүттээччитэ, Altan School Саха сиринээҕи салаатын ИТ-паарка иһинэн үлэни иилээн-салайан ыытар.
Туйаара Осипова — Altan School төрүттээччилэрин партнера, Алматы салаатын салайааччыта.

Сыллааҕы үөрэх хайысхалара

Altan School оскуолаҕа оҕолор маннык сыллааҕы үөрэҕи (курстары) баһылыыллар:

Программирование:

Алын сүһүөх кылаастарга: Scratch уонна Minecraft (Lua)
Орто сүһүөх кылаастарга: Roblox Studio (Lua) уонна Python Arcade.

Үрдүк сүһүөх кылаастарга: HTML/CSS/Java Script уонна SFML/C++/Unity/C#

Компьютернай графика: Сыыппараҕа ойуулааһын (Digital art) уонна компьютерга ойуулуктааһын (Computer animation), 3D-графика Blender уонна векторнай дизайн Figma.

Ону кытта Генеративнай Оҥоһук өй (Генеративный Искусственный Интеллект) хайысхата сыллааҕы үөрэх программаларын иһигэр киирэр.

Сыллааҕы үөрэх (курстар) түмүгүнэн үөрэнээччи XXI үйэ икки сүрүн сатабылын ылар:

Бэйэни салайыныы (Самостоятельность): оҕо бэйэтэ саҥаны үөрэтэргэ уонна кимтэн да тутулуга суохтук өйүнэн үлэлииргэ үөрэнэр.
Айар кут (Креативность): халыыба суох уратытык толкуйдуурга уонна саҥаны айарга үөрэнэр.

ИТ-лааҕырдар

Хас биирдии каникул аайы (сайын, күһүн, кыһын, саас) Altan School базатыгар IT-лааҕырдар тэриллэлэр. Лааҕырга үөрэх оонньуу халыыптаах барар, оҕолор саҥа дьоҕурдары баһылыыллар уонна доҕоттордоноллор. Бу лааҕырдарга оҕолор аҕыйах кэм иһигэр элбэх IT хайысханы кытта билсэллэр. Ол түмүгэр оҕо IT-га ханнык хайысха киниэхэ чугаһын өйдүүр уонна салгыы киниэхэ ол хайысханан сайдыам этэ диэн санаа үөскүүр.