Ытык гражданин
Ытык гражданин эбэтэр Бочуоттаах гражданин (кэлин сахалыы Ытык киһи диир буоллулар) — Арассыыйа импиэрийэтигэр баар буола сылдьыбыт, ытык аат. Туспа сословие курдук этэ, ол эрээри Ытык киһи аатын ылбыт дьон бэйэлэрин сословиеларыттан тахсыбаттара (холобур, атыыһыт сословиетыттан). Маны таһынан Арассыыйа импиэрийэтигэр Куорат Ытык киһитэ (Почетный гражданин города) диэн аат баар этэ. Кэлин бу ытык аат Арассыыйа Федерациятыгар сорох куораттарга уонна федерация субъектарын таһымыгар сөргүтүллүбүтэ (Арассыыйа үрдүнэн сөргүтүллүбэтэҕэ).
Устуоруйаттан
[уларыт | биики-тиэкиһи уларытыы]Куорат олохтоохторо Арассыыйаҕа бэйэлэрин гражданин диэн ааттаммыттара төһө өр буолбута чопчу биллибэт, бастаан Бүөтүр I саҕана бырабыыталыстыба бэйэтин докумуоннарыгар билинэр уонна туһанар буолбута. Ол эрээри, хойутуу, 1785 сыллаахха Куорат балаһыанньатыгар (Городовое положение) толору бырааптаах куорат олохтоохторо "куорат обывателлэрэ" диэн ааттаммыттара ("көҥүл тыын элэмиэниттэн толлон" диэн быһаараллар сорох чинчийээччилэр[1]).
Дьокуускай Ытык киһитэ
[уларыт | биики-тиэкиһи уларытыы]Аан бастаан Дьокуускай куорат Ытык киһитэ диэн аат 1889 сыллаахха иҥэриллибит. 1917 сыллаахха Совнарком сословиелары суох гынар дэкириэтинэн бу балаһыанньа күүһүн сүтэрбитэ. Кэлин сойуус ыһыллыбытын кэннэ Дьокуускай куоратын дьокутааттарын мунньаҕын уурааҕынан 25.11.2003 анал балаһыанньа бигэргэммитэ. Онтон Михальчук саҕана 2005 сыллаахха ахсынньы 13 күнүгэр саҥа уураах тахсыбыта[2]).
Быһаарыылар
[уларыт | биики-тиэкиһи уларытыы]- ↑ И.В. Уваровская Почетные граждане города Якутска. 1889-2011: библиографический справочник. — 2-е изд., перераб и доп.. — Якутск: СМИК-Мастер. Полиграфия, 2012. — С. 5. — 205 с. — 500 экз.
- ↑ И.В. Уваровская Почетные граждане города Якутска. 1889-2011: библиографический справочник. — 2-е изд., перераб и доп.. — Якутск: СМИК-Мастер. Полиграфия, 2012. — С. 7. — 205 с. — 500 экз.