Чехордуна Екатерина Петровна

Чехордуна Екатерина Петровна

Чехордуна Екатерина Петровна — Арассыыйа, Саха Өрөспүүбүлүкэтин этнопедагог-учуонайа. Учуутал, СӨ үтүөлээх учуутала, педагогика билимин хандьыдаата, РСФСР норуоту сырдатыытын туйгуна, Таатта улууһун Ытык киһитэ. Саха Өрөспүүбүлүкэтин Национальнай оскуолаларын чинчийэр институтугар «Түөлбэ педагогиката” научнай хайысханы төрүттээбитэ, “Олоҥхо педагогиката” иитэр-үөрэтэр систиэмэ научнай төрүтүн оҥорбут, үөрэх эйгэтигэр киллэрбит чинчийэр бөлөх салайааччыта, Саха бастакы суруйааччыларын ыччакка тиэрдэр «Ойуунускай ааҕыылара”, «Өксөкү сиэннэрэ” бырайыактар научнай салайааччылара.

Олоҕун олуктара

• 1966-1967 – Хаҥалас улууһун Харыйалаах начаалынай оскуолатын учуутала
• 1967-1968 – Чөркөөх орто оскуолатын пионер-баһаатайа
• 1968-1972 – Тыараһа аҕыс кылаастаах оскуолатын учуутала
• 1972-1974 – Чымнаайы аҕыс кылаастаах оскуолатын саха тылын уонна литературатын учуутала
• 1974-1975 – Дьохсоҕон аҕыс кылаастаах оскуолатын нуучча тылын уонна литературатын учуутала
• 1974-1977 – Ытык Күөлгэ РОНО учуутала
• 1977-1981 – Игидэй орто оскуолатын саха тылын уонна литературатын учуутала
• 1981-1984 – Чөркөөх орто оскуолатын завуһа
• 1984-1988 – Тыараһа орто оскуолатын завуһа
• 1988-1991 – Алексеевскай оройуон методическай кэбиниэтин (РМК) сэбиэдиссэйэ
• 1991-1992 – Алексеевскай оройуон методическай кэбиниэтигэр (РМК) Национальнай оскуола кэнсиэпсийэтин олоххо киллэрэр мэтэдиис
• 1992-1996 – Тыараһа орто оскуолатын дириэктэрин солбуйааччыта
• 1996-2002 – Саха Өрөспүүбүлүкэтин Национальнай оскуолаларын чинчийэр институт ыстаарсай научнай үлэһитэ
• 2002-2008 – Саха Өрөспүүбүлүкэтин Национальнай оскуолаларын чинчийэр институт дириэктэрин научнай үлэҕэ солбуйааччыта
• 2008-2019 - Саха Өрөспүүбүлүкэтин Национальнай оскуолаларын чинчийэр институт лабораториятын сэбиэдиссэйэ, сүрүн научнай үлэһитэ

Сүрүн научнай үлэлэрэ

100 тахса научнай үлэлээх, ол иһигэр маннык монографиялар бааллар:

1. «Педагогическое и этнокультурное взаимодействие микросоциумов якутского түөлбэ (села) в воспитании и развитии детей»;
2. «Ыал үтүө үгэһин удьуордааһын»;
3. «Этнокультурные основы педагогики олонхо».
4. «Этнокультурное образование в Дальневосточном федеральном округе»

Оҕолорго, устудьуоннарга, учууталларга уонна төрөппүттэргэ аналлаах 50 тахса босуобуйа ааптара. Олортон Олоҥхо педагогикатыгар аналлаах сүрүн үлэлэрэ манныктар:

1. «Олохо педагогикатын төрүтэ»;
2. «Олоҥхо педагогиката: олоххо киллэрии суола-ииһэ, ньымалара»;
3. «Олоҥхо тыла-өһө»;
4. «Олоҥхо эйгэтэ»;
5. «Олоҥхо дойдута”
6. «Олоҥхо уран тыла: ойуулаах тылдьыта”

Ытык ааттара, наҕараадалара

• Саха Өрөспүүбүлүкэтин үтүөлээх учуутала
• РСФСР Үөрэҕин бочуоттаах үлэһитэ
• Таатта улууһун бочуоттаах олохтооҕо
• Учууталлар учууталлара
• Саха сирин мэтэдьииһэ
• Гражданскай килбиэн бэлиэтэ
• Саха Өрөспүүбүлүкэтин Бэрэсидьиэнин, Бырабыыталыстыбатын, министиэристибэлэрин грамоталара, махтал суруктара