Холкуос
Холкуос (нууч. Колхо́з — коллективное хозяйство) — Сэбиэскэй Сойуус тыаларыгар баар буола сылдьыбыт тыа хаһаайыстыбатынан дьарыктанар тэрилтэ көрүҥэ. Сир, үлэ тэриллэрэ, сүөһү, уонна да атын үп холкуоска холбоон бас билиигэ сылдьара, уонна тэрилтэни холкуоска киирэр дьон бэйэлэрэ салайаллара, үлэ түмүгүн холкуостаахтар бэйэлэрэ түҥэттэллэрэ. Маны тэҥэ балыктыыр холкуостар бааллара.
1930 сыллаахтан холкуоска үлэлиир иһин "көлөһүн күнэ" (трудодень) диэн ааҕыллара. Бу "көлөһүн күнүн" аналлаах киниискэҕэ суруйаллара, кэлин, ол "күннэринэн" холкуостан табаар (бурдук, эт, үүт уо.д.а.) ылыахха сөп этэ (холкуос судаарыстыбаҕа туттарыахтаах былаанын толорбутун кэннэ хаалбыт табаартан). Бу тиһик 36 сыл кэриҥэ үлэлээбитэ, ол тухары холкуостаахтар хамнас аахсыбатахтара (сорох эрэ сирдэргэ хамнастарын сорҕотун харчынан биэрэллэрэ).
1966 сыллаахха ыам ыйын 18 күнүгэр тахсыбыт ССКП КК уонна ССРС Совминын уурааҕынан[1] от ыйын 1 күнүттэн саҕалаан холкуостаахтарга хамнас төлүүр буолбуттара.
Быһаарыылар
[уларыт | биики-тиэкиһи уларытыы]- ↑ Постановление ЦК КПСС и Совета Министров СССР от 18 мая 1966 года «О повышении материальной заинтересованности колхозников в развитии общественного производства»
 |
Бу хампаанньа уонна тэрилтэ туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |