Хвича Кварацхелия
| Хвича Кварацхелия | |
|---|---|
 | |
| Төрөөбүтэ |
2001 олунньу 12 Тбилиси, Грузия |
| Позицията | вингер |
| Уҥуоҕа | 183 |
Хвича Кварацхелия (Khvicha Kvaratskhelia, грузинныы ხვიჩა კვარაცხელია) диэн Грузия футбол оонньооччута, ПСЖ кулуубун хаҥас вингера, Грузия хомуур хамаандатын хапытаана. Аан дойду биир бастыҥ вингера. Италия уонна Франция иккилии төгүллээх чемпиона. УЕФА Чемпионнар лигатын кыайыылааҕа.
Хвича Кварацхелия Динамо Тбилиси кулуубун иитиллээччитэ. Динамоҕа уон алта саастааҕар профессионал карьерата саҕаламмыта. Өр буолбакка сотору Рустави кулуубугар көспүтэ. Онтон 2019-2022 сыллардаахха Арассыыйа Локомотив уонна Рубин кулууптарыгар оонньоон икки сезон устата РПЛ бастыҥ эдэр футболиһынан ааттаммыта. 2022 сыллаахха Грузияҕа төннөн Динамо Батуми кулуубугар кылгас кэм сылдьан баран Италия Наполи кулуубугар барбыта. Бу сезон Наполи бастакытын Чемпионнар лигатын финалын төрдүс аҥар түһүмэҕэр тахсыбыта, уонна Серия А-ҕа отут үс сыл кэннэ бастакытын чемпионнаабыта. Хвича Италия чемпионатын бастыҥ ассистена буолбута. 2024-25 сезоҥҥа иккиһин чемпионнаабыта.
2025 сыл тохсунньу ыйыгар Франция ПСЖ кулууба Кварацхелияны €70 мөлүйүөҥҥэ атыыласпыта. Хвича кэлээт кулууп биир тутаах оонньооччута буолбута. Бу сезон ПСЖ бастакы треблын сүүйбүтэ, ол эбэтэр Франция чемпиона, Франция куубагын уонна Чемпионнар лигатын кыайыылааҕа буолбута. Чемпионнар лигатын финалыгар ПСЖ Интеры 5:0 хоппута, Хвича 73-с мүнүүтэҕэ голлаабыта.
Хвича Грузия ыччат хамаандаларыгар ситиһиилээхтик оонньоон баран 2019 сыллаахха бас хамаандаҕа дебюттаабыта. Грузия 2024 сыллааҕы Дьобуруопа чемпионатыгар маҥнайгытын тахсыбыта. Бөлөх түһүмэҕин үһүс тууругар Португалияны 2:0 ахсаанынан хоппута, Хвича иккис мүнүүтэҕэ голлаабыта. Грузия финал 1/8 түһүмэҕэр тахсан баран Испанияттан 1:4 хотторбута.
Дьиэ кэргэнэ
[уларыт | биики-тиэкиһи уларытыы]Аҕата Бадри Кварацхелия, футболист уонна тренер. Икки бырааттаах, биирэ Торнике эмиэ футболист. Ойоҕо Ница Тавадзе 2023 сыл алтынньы 16 холбоспуттара. Дамиан диэн уоллаахтар 2024 сыл атырдьах ыйын 22 төрөөбүтэ.
Карьерата
[уларыт | биики-тиэкиһи уларытыы]Ыччат кулууптара
[уларыт | биики-тиэкиһи уларытыы]- Динамо Тбилиси: 2012—2017
Профессионал кулууптар
[уларыт | биики-тиэкиһи уларытыы]- Динамо Тбилиси: 2017
- Рустави: 2018—2019
- Локомотив Москва: 2019 (аренда)
- Рубин: 2019—2022
- Динамо Батуми: 2022
- Наполи: 2022—2025
- ПСЖ: 2025—
Ил хамаанда
[уларыт | биики-тиэкиһи уларытыы]- Грузия U17: 2016—2018
- Грузия U19: 2017—2019
- Грузия U21: 2019
- Грузия: 2019—
Ситиһиилэрэ
[уларыт | биики-тиэкиһи уларытыы]Хамаанда ситиһиилэрэ
[уларыт | биики-тиэкиһи уларытыы]«Локомотив» Москва
- Арассыыйа куубага: 2018/19
«Наполи»
- Италия чемпиона (2): 2022/23, 2024/25
«Пари Сен-Жермен»
- Франция чемпиона (2): 2024/25, 2025/26
- Франция куубага: 2024/25
- Франция суперкуубага: 2025
- УЕФА чемпионнар лигатын кыайыылааҕа: 2024/25
- УЕФА суперкуубага: 2025
- Континеннардааҕы куубак: 2025
Тус ситиһиилэрэ
[уларыт | биики-тиэкиһи уларытыы]- Серия А ордук күндү футболиһа: 2022/23
- Грузия сыл футболиһа (5): 2020, 2021, 2022, 2023, 2025
- РПЛ бастыҥ эдэр футболиһа (2): 2019/20, 2020/21
- УЕФА Чемпионнар Лигатын бастыҥ эдэр футболиһа: 2022/23
- Серия А бастыҥ ассистена: 2022/23 (10 биэрии)
- Серия А ый бастыҥ гола (2): 2023 кулун тутар, 2024 ыам ыйа
- Серия А сезон бастыҥ гола: 2022/23
- Серия А ый бастыҥ футболиһа (4): 2022 атырдьах ыйа, 2023 олунньу, 2023 кулун тутар, 2024 балаҕан ыйа