Усман Дембеле
| Усман Дембеле | |
|---|---|
.jpg) | |
| Төрөөбүтэ |
1997 ыам ыйын 15 Вернон, Франция |
| Позицията | бастааччы, уҥа вингер |
| Уҥуоҕа | 178 |
Масур Усман Дембеле (Masour Ousmane Dembélé) диэн Франция футбол оонньооччута, ПСЖ кулуубун уонна Франция хомуур хамаандатын футболиһа. Киин бастааччы уонна уҥа вингер позицияларыгар оонньуур. Аан дойду биир бастыҥ футболиһа буолар.
Усман Дембеле Нормандия Вернон куоратыгар төрөөбүтэ. Онтон чугастыҥы Эврё куоратыгар оҕо сааһа ааспыта, манна футболлаан барбыта. 2008-2010 сылларга футзаалга оонньоон техниката дриблинга эбиллибитэ. Уон үс саастааҕар Ренн кулуубун академиятыгар ыҥырыллыбыта. 2014 сыллаахха Ренн иккис хамаандатыгар профессиональнай карьерата саҕаламмыта. 2016 сыллаахха Боруссия Дортмунд кулуубугар көһөөт ол сезоннааҕы Германия куубагын сүүйбүтэ, финалга биирдэ голлаабыта. Бу кэннэ Дембеле аан дойду футболун биир талааннаах кэскилэ диэн ааттаммыта. 2017 сыллаахха Барселона кулууба Дембелены €105 мөлүйүөҥҥэ атыыласпыта. Барселоналыын Испания үс төгүллээх чемпиона, Испания куубагын уонна Испания суперкуубагын иккилии төгүллээх кыайыылааҕа буолбута. 2023 сыллаахха ПСЖ кулууба Дембелены €50.4 мөлүйүөҥҥэ атыыласпыта. 2024–25 сезон 49 маатчыгар 33 голлаан 15 ассистаан ПСЖлыын требллаабыта: Франция чемпиона, Франция куубага, Чемпионнар лигатын кыайыылааҕа. Бу сезон түмүгүнэн 2025 сыллааҕы Алтан мээчик биһирэбилин ылбыта.
Дембеле Франция хомуур хамаандатыгар 2016 сыллаахха дебюттаабыта. 2018 сыллааҕы аан дойду чемпиона, 2022 сыллааҕы финалиһа. Дьобуруопа 2020 2024 сыллардааҕы чемпионаттарын кыттыылааҕа.
Карьерата
[уларыт | биики-тиэкиһи уларытыы]Ыччат кулууптара
[уларыт | биики-тиэкиһи уларытыы]- Мадлен Эврё: 2004—2009
- Эврё: 2009—2010
- Ренн: 2010—2015
Профессионал кулууптар
[уларыт | биики-тиэкиһи уларытыы]- Ренн: 2014—2016
- Боруссия Дортмунд: 2016—2017
- Барселона: 2017—2023
- ПСЖ: 2023—
Ил хамаанда
[уларыт | биики-тиэкиһи уларытыы]- Франция U17: 2013—2014
- Франция U18: 2014—2015
- Франция U19: 2015
- Франция U21: 2016
- Франция: 2016—
Ситиһиилэрэ
[уларыт | биики-тиэкиһи уларытыы]Хамаанда ситиһиилэрэ
[уларыт | биики-тиэкиһи уларытыы]«Боруссия» Дортмунд
- Германия куубага: 2016/17
«Барселона»
- Испания чемпиона (3): 2017/18, 2018/19, 2022/23
- Испания куубага (2): 2017/18, 2020/21
- Испания суперкуубага (2): 2018, 2022/23
«Пари Сен-Жермен»
- Франция чемпиона (3): 2023/24, 2024/25, 2025/26
- Франция куубага (2): 2023/24, 2024/25
- Франция суперкуубага (3): 2023, 2024, 2025
- УЕФА чемпионнар лигатын кыайыылааҕа: 2024/25
- УЕФА суперкуубага: 2025
- Континеннардааҕы куубак: 2025
Франция
- Аан дойду чемпиона: 2018
- Аан дойду вице-чемпиона: 2022
- УЕФА нациялар лигатын бронзата: 2024/25
Тус ситиһиилэрэ
[уларыт | биики-тиэкиһи уларытыы]- Алтан мээчик: 2025
- The Best FIFA Men’s Player: 2025
- УЕФА чемпионнар лигатын сезон оонньооччута: 2024/25
- Франция сыл футболиһа: 2025
- Франция чемпионатын бастыҥ бомбардира: 2024/25 (21 гол)
- Испания чемпионатын бастыҥ ассистена: 2021/22 (13 биэрии)
- Франция чемпионатын бастыҥ ассистена: 2023/24 (10 биэрии)