Тамииллар

Тамииллар (нууч. Тами́лы) — Соҕуруу Азияҕа олохтоох омуктар. Ииндийэҕэ (сүнньүнэн Тамил-Наду штаакка), Шри-Ланкаҕа, ону таһынан Малайзияҕа, Мьянмаҕа, Сингапурга, Австралияҕа уонна Океанияҕа олороллор. Дравид тыл кэргэнигэр киирэр тамиил тылынан саҥараллар. Итэҕэллэринэн тамииллар үксүлэрэ индуистар, сорохторо христианнар уонна мусульмааннар. Антропология өттүнэн соҕуруу ииндийэ раасатыгар киирэллэр (Соҕуруу Дьобуруопалыы рааса уонна Веддоид рааса булкуһууларыттан үөскээбит), төрүттэрэ атын дравидтары кытта ситимнээх.