Са Андре

Бикипиэдьийэ диэн сиртэн ылыллыбыт
Перейти к навигации Перейти к поиску

Андре Резенде Са (порт. André Rezende Sá; 1977 с. ыам ыйын 6 күнүгэр Бразилия Белу-Оризонтитыгар төрөөбүт) — Бразилия профессиональнай тиэннисчитэ; "Большой шлем" турнир пааранан киирсиигэ күрэҕин полуфиналиһа (Уимблдон-2007); бааранан киирсиигэ АТР уон турнирын кыайыылааҕа; Панамериканскай оонньуулар тиэннискэ турнирдарынан чөмпүйүөнэ.

Уопсай информация[уларыт | биики-тиэкиһи уларытыы]

Андре тиэннискэ убайа Винисиуһу батыһан аҕыс сааһыгар кэлбит. Андре менеджеринэн аҕата Жозе үлэлиир.

Андре оҕо сылдьан тиэнниһи сэргэ Ник Боллетьери академиятыгар баскетболунан дьарыктаммыт. 

Успуорка карьерата[уларыт | биики-тиэкиһи уларытыы]

Профессиональнай карьератын 1996 сыллаахан саҕалаабыт. 1997 сыллаахха Мексикаҕа ыытыллыбыт АТР турнирыгар финал чиэппэригэр тиийбит. 1998 сыллаахха  ATP Challenger Series үс турнирыгар кыайбыт уонна "Большой шлем" чөмпүйэнээт иһинэн киирэр Уимблдон күрэхтэһиитин сүрүн сеткатыгар хапсан аан бастакытын оонньообут. 1998 сыллаахха Сан-Хосеҕа ыытыллыбыт АТР турнирыгар аан бастакытын пааранан киирсиигэ финалга киирэр. 1999 сыллаахха Challenger сиэрийэ үс турнирын кыайар. 2000 сыллаахха Мемфискэ ыытыллыбыт АТР турнирыгар полифиналга хапсар. 2001 сыллаахха Гонкоҥҥа ыытыллыбыт турнирга Карстен Браһы кытта пааранан киирсиигэ кыайар. 2002 сыллаахха Уимблдон турнирыгар финал чиэппэригэр тахсан улахан ситиһиилэнэр. 

2004 сыллаахха Флавио Сареттаны кытары Австралия аһаҕас чөмпүйэнээтигэр финал чиэппэригэр тахсар. 2007 сыллаахха Марсело Мелоны кытары Эшторилга ыытыллыбыт турнирга бастыыр. Эмиэ ити сыл Уимблдон турнирын полуфиналыгар уонна АХШ чөмпүйэнээтин финалын чиэппэригэр тахсар. 2008-2009 сс. Марсело Мелоны ытары түөрт турнирга бастыыр: Коста-де-Супка, Пёрчах-ам-Вёртерзегэ, Кицбюэлгэ уонна Ниццеҕэ.  2016 сыл сайыныгар Бразилия тиэннискэ сүүмэрдэммит хамаандатыгар киирэн, Рио-де-Жанейроҕа ыытыллар Олимпиадаҕа киирсэр.

Сыл түмүгүнэн рейтинэ[уларыт | биики-тиэкиһи уларытыы]

Сыла Биирдиилээн рейтинэ Кыттыгас рейтинэ
2015 42
2014 73
2013 65
2012 57
2011 55
2010 71
2009 44
2008 20
2007 536 28
2006 179 69
2005 179 170
2004 181 76
2003 209 72
2002 66 69
2001 85 75
2000 106 239
1999 122 192
1998 127 129
1997 169 125
1996 586 930
1995 804 1 177
1994 968 1 170
1993 1 178

Турнирдарга кыттыыта[уларыт | биики-тиэкиһи уларытыы]

Бэлиэтээһиннэр[уларыт | биики-тиэкиһи уларытыы]