Саттар Сейтхазин

Бикипиэдьийэ диэн сиртэн ылыллыбыт
Перейти к навигации Перейти к поиску

Саттар СейтхазинКазах норуотун биллиилээх суруйааччыта. Саха сирин суруйааччыларын Моисей Ефимов, Семен Данилов, Семен Руфов, Семен Никифоров истиҥ доҕордоро буолбута. Ол доҕордоһуу 1956 сылтан Казахстаҥҥа буолбут Суруйааччылар сийиэстэриттэн силис тардар. Саттар Сейтхазин Саха сиригэр ыалдьыттаабыта, Таатта, Аллараа Халыма, Хаҥалас сирдэринэн сылдьыбыта.


Суруйааччы Саттар Сейтхазин «Хадиша», «Жылкышыный баласы» диэн сэһэннэрэ, «Хотойдор» диэн хоһооннорун кинигэтэ уонна  «Биһиги Сакеммит», «Кыһыл генерал», «Суоллар-суоллар», «Маҥнайгы хардыылар» диэн поэмалара ааҕааччылар киэҥ биһирэбиллэрин ылар.


Саттар Сейтхазин Саха сиригэр ыалдьыттааһына – бу казах уонна саха суруйааччыларын  сылтан сыл кэҥээн иһэр доҕордоһууларын биир суол көстүүтүнэн буолара.

Саха народнай суруйааччыта Семен Руфов тылбааһыгар Саттар Сейтхазин “Уолчааммар” хоһооно:


Уолчааммар


Уолчааным тылланан аҕам диир

Ол тылтан дьолунан туолбутум

Күн бээһээ курдук дии – мэниктиир..

Түргэнин, аҕа диэн буолбутум!

Ол аата оҕо саас кулунчук

Кэриэтэ ойуолаан аастаҕа,

Уолчааммын көтөҕөөт, доргуччу

Күлэбин-үөрэбин мин - аҕа!

Ийэтээ, көрүүй даа – охтуоҕа...

Доҕоттоор, үөрсүһүҥ – уол сүүрдэ!

Улаатан эр бэрдэ тахсыаҕа –

Олоххо сүүрүүнэн киирдэ!

С.Руфов тылбааһа.


Туһаныллыбыт литература:[уларыт | биики-тиэкиһи уларытыы]

1. Моисей Ефимов. “Доҕорбут Саттар”. Хотугу сулус. 1978. №12

2. Саттар Сейтхазин. Уолчааммар. Хотугу сулус.1978. №12.