Рымбаева Роза Куанышевна
Рымбаева Роза Куанышевна — советскай уонна казахскай эстрада ырыаһыта, киноактриса, педагог, профессор, телеведущай уонна модель.
Казахстан Өрөспүүбүлүкэтигэр Үлэ Геройа (2019), Казахскай ССР норуодунай артыыската (1986), Узбекистан Өрөспүүбүлүкэтин заслуженнай артыыската (1994), Кыргыз Өрөспүүбүлүкэтин культуратын заслуженнай деятелэ (1994), Кыргыз Өрөспүүбүлүкэтин норуодунай артыыската (2024). Икки төгүл Ленин комсомола премия лауреата (1976, 1981), Казахстан государственнай премиятын лауреата (2004). Үрдүк вокальнай талаанын иһин «Орто Азия күөрэгэйэ» уонна «Казахстан көмүс дорҕооно» диэн ааттыыллар.
Олоҕо
[уларыт | биики-тиэкиһи уларытыы]1957 сыллаахха алтынньы 28 күнүгэр Семипалатинскай уобалас Джангизтобе станциятыгар элбэх оҕолоох дьиэ кэргэҥҥэ төрөөбүтэ. Аҕата — тимир суол үлэһитэ, ийэтэ — дьиэ хаһаайката.
1976–1979 сылларга «Гульдер» ансамбль солистката, 1979 сылтан ыла «Арай» эстрада ансамблын солистката буолар (директор уонна художественнай салайааччы — кэргэнэ Таскын Окапов). 1977 с. «Золотой Орфей» фестивальга кыттан Гран-при ылар (Болгария). Мантан ыла Сэбиэскэй Сойуус үрдүнэн биллэр буолар. 1977–1979 сс. «Песня года» кыттар, 1978 с. «Звуковая дорожка» бастыҥ ырыаһыттарын хит-парадыгар ССРС үрдүнэн үһүс миэстэ буолар (Алла Пугачёва уонна София Ротару кэнниттэн).
1979 сылтан «Казахконцерт» солистката, 1995 сылтан Казахская академия искусств имени Т. Жургенова педагога буолар. 1984 с. Алма-Ата театрально-художественнай институтун музыкально-драматическай комедия факультетын бүтэрэр. 2000 с. Москваҕа «Песня года» хаттаан кыттар. Раймонд Паулс музыкатыгар, Роберт Рождественский тылларыгар «Любовь настала» ырыаны толорор.
2008 с. Пекиҥҥа Олимпийскай оонньуу аһыллытыгар факел тутар, 2011 с. VII Кыһыҥҥы Азия оонньууларын гимнын толорор, факел тутар.
2012 с. Япониянан, Россиянам, Турциянан, Белоруссиянан гастроллуур. 2013 с. Италияҕа Муода дьиэтин “сирэйэ” буолар.
2017 с. 60 сааһын туолар үбүлүөйүгэр Астанаҕа улахан сольнай концерт ыытар.
Алматы куоракка олорор. 3 улахан оҕолордоох, биир сиэннээх. Кэргэнэ өлбүтүн кэннэ икки аймахтарын оҕолорун иитэ ылбыт.