Роман-газета
Роман-газета — чэпчэки сыаналаах элбэх тирааһынан тахсыбыт ССРС уонна Арассыыйа таһаарыыта, аата этэ сылдьарын курдук, таһаарыыга бөдөҥ айымньылар бэчээттэнэллэрэ. Сэбиэскэй Сойууска бу таһаарыы уус-уран тааһрыыларга саамай элбэх тираажтана сылдьыбыта (1989 — 3 мөл. 920 тыһ. экз.).
Бастакы нүөмэрэ 1927 сыллаахха от ыйын 9 күнүгэр "Москуба оробуочайа" кинигэ кыһатыгар тахсыбыта, Иоганнес Бехер диэн ньиэмэс суруйааччытын "Кэлэр сэрии" (Грядущая война или (CHCl = CH)3 As. (Люизит)) арамаанын нууччалыы тылбааһа бэчээттэммитэ. Элбэх киһи ааҕарын курдук чэпчэки сыаналаах кинигэни таһаарар туһунан Ленин уонна Горькай өйүктэрэ этэ. Максим Горькай ол саҕана Италияҕа олорбута, ол эрээри, "Роман-газета" тахсарыгар быһаччы кыттыыны ылбыта.
Бастакы нүөмэрдэрэ хаһыат кээмэйинэн элбэх лиистээх тахсаллара, халыҥа бэчээттэнэр айымньытыттан тутулуктааҕа.