Попов Александр Федорович (1897-1938)
Попов Александр Федорович (1897-1938) — Саха сиригэр Сэбиэскэй былааһы олохтоспут киһи, судаарыстыба уонна бэлиитикэ диэйэтэлэ.
1897 сыл кулун тутар 9 күнүгэр Дьокуускайга төрөөбүтэ. 1917 с. күһүнүттэн Арассыыйа социал-демократтыы үлэ баартыйатын (РСДРП) Дьокуускайдааҕы тэрилтэтигэр бассабыыктар фракцияларыгар киирбитэ.
1918 с. Үлэһит уонна Кыһыл аармыйа дьокутааттарын Саха сиринээҕи сэбиэтин бэрэстэбиитэлинэн Бүлүү куоракка барбыта. 1920 сыл бэс ыйыттан РКП(б) Саха оройуонунааҕы тэрийэр бюротун чилиэнэ, онтон от ыйыттан балаҕан ыйыгар диэри бэрэссэдээтэлинэн үлэлээбитэ. 1923 сылтан Саха сиринээҕи баартыйа обкуомун аҕытаассыйаҕа уонна пропагандаҕа салаатын сэбиэдиссэйинэн үлэлээбитэ. 1924 с. ВЦИК Бөрөсүүдьүмүн иһинэн Саха АССР бэрэстэбиитэлин солбуйааччытынан үлэлээбитэ.