Переверзин Иван Иванович
Переверзин Иван Иванович (1952.03.10) - ньуучча хоһоонньута, публицист. 1994 сылтан РФ СС (Суруйааччылар Союзтарын) чилиэнэ. 1994 сыллаахха "Наш современник" уонна "Литературная Россия" сурунааллар бэриэмэйэлэрин хаһаайына.
Сатай бөһүөлэккэ төрөөбүт. 1964 сылтан Ленскэй улууһугар олорор. Ньүүйэ орто оскуолатын бүтэрбитин кэннэ Хабаровскай лесотехническай техникумҥа кэтэхтэн үөрэммитэ, онтон Братск технологическай үнстүтүүтүн бүтэрбитэ. 1970 сылтан "Ленскэй" диэн совхозка үлэлиир. Онтон кэлэр сылга механизатордар курстарын ааһар. Тракториһынан, болуотунньугунан, тутуу маастарынан, лесоучасток салайааччытынан, аҕа прорабынан, улуустааҕы "Сельхозхимия" холбоһуу салайааччытынан, "Ньүүйэ" совхоз тойонунан, сельхозсалайыы салайааччытынан үлэлии сылдьыбыта. 1993 сылтан Ленскэй улуус аҕа баһылыгын солбуйааччыта.
Бастакы хоһооннорун 1968 сыллаахха "Ленскэй хомуньуус" диэн улуустааҕы хаһыакка таһаартарбыта. Ону тэҥҥэ Орто Өлүөнэ дэриэбинэлэрин туһунан ыстатыйалары уонна бэлиэлэри суруйар этэ. 1991 сыллаахха "Откровение дней" диэн бастакы хомуурунньугун таһаарар.
И. Переверзин хоһоонноро "Хотугу сулус" диэн өрөспүүбүлүкэтээҕи хаһыакка, "Литературная Россия", "Москва", "Смена" диэн сурунаалларга тахса сылдьыбыттара.
Кинигэлэр[уларыт | биики-тиэкиһи уларытыы]
- Откровения дней. Стихи. - Якутск, 1991.
- Жажда добра. Стихи. - Якутск, 1992.
- Чтоб земля давала больше. Очерки. - Якутск, 1992
- Там слышен колокол. Стихи. - М.: Рекламная библиотека поэзии, 1994.
Сигэлэр[уларыт | биики-тиэкиһи уларытыы]
- Переверзин Иван Иванович Архыыптаммыт 2016, Кулун тутар 5 күнүгэр.