Ортоһут
Ортоһут (ааҥл. midfielder) диэн футбол хонуутун ортотугар позициялаах футболист. Ортоһут оонньуу хабааныттан көрөн бастааччыларга уонна харҕысчыттарга көмөлөһөр.
Көрүҥнэрэ
- Киин ортоһут (ааҥл. сentral midfielder) диэн ортоһут сүрүн көрүҥэ буолар, кини элбэх үлэни толорор: хонуу ортотугар мээчиги былдьаһар, кэлин линияҕа түһэн харҕысчыттарыгар эбии көмө буолар, бастааччыларга пас биэрэн атааканы саҕалыыр
- Атаакалыыр ортоһут (ааҥл. attacking midfielder) диэн атааканы саҕалыырын таһынан бэйэтэ атаакаларга кыттыһар сыыдам атахтаах оонньооччу. Ардыгар атаакалыыр ортоһуттары уонна тардыллыбыт бастааччылары (нууч. оттянутый нападающий) холбоон плеймейкер диэн ааттыыллар
- Тирэх ортоһут (ааҥл. defensive midfielder) диэн үксүн кэлин линия диэки сылдьан харҕысчыттарга көмөлөһөр оонньооччу
- Вингер (ааҥл. winger) диэн хонуу кытыытынан (фланганан) сүүрэн атаакаҕа кыттыһар ортоһут. Кэлин сылларга вингердар бастааччы уонна ортоһут позицияларын холбуур универсал оонньооччу буоллулар