Норуоттар Доҕордоһууларын уордьана

Бикипиэдьийэ диэн сиртэн ылыллыбыт

Норуоттар Доҕордоһууларын уордьанаССРС судаарыстыбаннай наҕараадата.

ССРС Үрдүкү Сүбэтин Ыйааҕынан 1972 сыл ахсынньы 17 күнүгэр ССРС 50 сылын туолуутун бэлиэтээн олохтоммут. Эскиис ааптара — худуоһунньук Александр Борисович Жук. Судаарыстыбаннай наҕараада быһыытынан 1991 сыллаахха Сэбиэскэй Сойуус суох буолуоҕуттан бэриллибэт буолбут.

«Социалистыы наассыйалар уонна омуктар ыккардыларыгар доҕордоһууну бөҕөргөтүү» иһин, ССРС уонна сойуустуу өрөспүүбүлүкэлэр сайдыыларыгар бөдөҥ кылаат иһин бэриллэр этэ. Уордьанынан дьон (ССРС гражданнара уонна атын дойду дьоно) уонна тэрилтэлэр, байыаннай чаастар, өрөспүүбүлүкэлэр, кыраайдар, аптаныамыйалаах уобаластар, уобаластар, куораттар наҕараадаланыахтарын сөп этэ.

Бу уордьанынан Саха судаарыстыбаннай университета (билигин ХИФУ) наҕараадаламмыт.

1992 сыллаахха кулун тутар 2 күнүгэр Арассыыйа Федерациятын уордьанын быһыытынан хат үөскээбит. 1994 сыллаахха Доҕордоһуу уордьанынан солбуллубут.

Быһаарыылар[уларыт | биики-тиэкиһи уларытыы]