Неймар

**Неймар**
Неймар
	;
Төрөөбүтэ	1992 олунньу 5; Можи дас Крузис, Бразилия
Позицията	бастааччы
Уҥуоҕа	175

Нейма́р да Си́лва Са́нтос Жу́ниор (порт. Neymar da Silva Santos Júnior), Неймар (Neymar) диэн кылгас аатынан ордук биллэр, Бразилия футбол оонньооччута. Бразилия хомуур хамаандатын уонна Сантос кулуубун бастааччыта. Бразилия хамаандатын 79 голлаах бастыҥ бомбардира буолар. Аан дойду бары кэмнэрдээҕи биир бастыҥ футболиһа буолар.

Уон биир сааһыттан Сантос ыччат академиятыгар ооньообута. 2009 сыллаахха Сантос бастакы хамаандатыгар киирбитэ. 2010 сыллаахха Сан-Паулу штатын чөмпүйүөнэ уонна Бразилия куубагын кыайыылааҕа буолбута. 2013 сыл сайыныгар Барселона хамаандатыгар ыҥырыллыбыта. Манна кэлэн Неймар Луис Суарестыын уонна Лионель Мессилыын күүстээх атаакалыыр трио буолбуттара. Барселоналыын Испания үс төгүллээх чемпиона буолбута, Испания куубагын үс төгүллээх кыайыылааҕа, уонна УЕФА Чемпионнарын лигатын кыайбыта. Онтон 2017 сыл атырдьах ыйыгар Барселона хамаандатыттан Пари Сен-Жермен көспүтэ. Бүтүн сыаната 222 млн евро буолбута. Онон саамай сыаналаах футболист аатын сүкпүтэ. Франция чемпионатын үс төгүллээх чемпиона буолбута, уонна Франция куубагын, суперкуубагын, лига куубагын сүүйбүтэ. Бразилия хомуур хамаандатыгар 2010 сыллаахха дебюттаабыта.