Мухаафаза

Мухаафаза (нууч. Муха́фаза, араб. محافظة‎ мухе́фада, элб. ахс. араб. محافظات‎ мухефада́т, туруору тылбаастаатахха «шефство», араб. حافظ‎ хе́фад — кэтээ, көр-харай, харабыллаа) — хас да арааб судаарыстыбаларыгар дьаһалта биирдэмэ — Бахрейн, Эгиипэт, Иордания, Ираак, Йемен, Кувейт, Ливаан, Сиирийэ уонна Омаан. Бу дойдуларга бастакы таһымнаах (саамай бөдөҥ) биирдэм, арай Сауд Аравиятыгар провинция аннынааҕы иккис таһымнаах биирдэм. Нууччалыы суруйууларга сороҕор уобалас диэн тылбаастыыллар.