Мокрощуповтар ааттарынан куоллаҕас
Мокрощуповтар ааттарынан куоллаҕас (переулок) — Дьокуускай куорат уокуругун Хатас сэлиэнньэтигэр баар куоллаҕас. Куорат дууматын 2015 сыл балаҕан ыйын 9 күнүнээҕи быһаарыытынан Хатаска өр сылларга бэтэринээринэн үлэлээбит Василий уонна Елена Мокрощуповтар ааттарынан ааттаммыт[1].
Мокрощуповтар
[уларыт | биики-тиэкиһи уларытыы]Василий Васильевич 1941 сыллаахха ахсынньы 15 күнүгэр Хатастан 7 км сиргэ Ой Бэскэ төрөөбүт. Түөрт оҕолоох ыалга улаханнара. Орто оскуоланы бүтэрэн баран "Дьокуускай", онтон "Хатас" сопхуостарга оробуочайдаабыт, сопхуос идэлээх сойуустарын кассира эбит. 1960 с. СГУ тыа хаһаайыстыбатын факультетын бэтэринээр салаатыгар киирбит. 1965 с. кэргнин Еленаны кытта Орто Халымаҕа нанан үлэлээбиттэр. Онно врач эпизоотолог, Орто Халыма ветстанциятын начаалынньыгынан үлэлээбит.
1967 с. "Хатас" сопхуоска бэтэринээр бырааһынан, Хатас отделениетын ыстаарсай биригэдьииринэн үлэлээбит. 1973 с. сопхуос кылаабынай бэтэринээрэ буолбут. 1978 сыллаахха Хатас отделениетыгар сүөһү комплексын начаалнньыгынан анаммыт. 1987 с. Хатас отделениетыгар свинокомплекс начаалынньыга буолбут. 1987 с. "Хатас" сопхуос дириэктэрин солбуйааччыта буолбут.
1985 с. "Саха АССР үтүөлээх бэтэринээр бырааһа" сыбаанньата иҥэриллибит.
1992 с. кулун тутар 22 күнүгэр өлбүт.
Елена Афанасьевна Мокрощупова 1939 с. тохсунньу 15 күнүгэр Орто Халыма ойуһардаах сэлиэнньэтигэр төрөөбүт. Оскуоланы бүтэрэн баран икки сыл ыанньыксыттаабыт. 1961 с. СГУ тыа хаһаайыстыбатын факультетын бэтэринээр салаатыгар киирбит. Үөрэҕин бүтэрэн баран "Орто Халыма" сопхуос Налимскайдааҕы отделениытагр вет билсэринэн аннаммыт.
Кэргэнинээн Хатаска көһөн баран вет аптекаҕа оробуочайдаабыт, старшай вет быраастаабыт. 1967 сыллаахтан 1979 сыллаахха диэри Хатас сэбиэтин бэрэстээтэлинэн талыллан үлэлээбит. 1984 сыллаахха "ССРС 60 сылын аатынан" сопхуос кылаабынай бэтэринээр бырааһын эбээһинэһин толоро сылдьыбыт.
1986 с. ыам ыйын 29 күнүгэр өлбүт.
Елена Афанасьевна уонна Василий Васильевич Мокрощуповтар 4 оҕону төрөтөн улаатыннарбыттар.
Мокрощуповтар туһунан суруйуулар
[уларыт | биики-тиэкиһи уларытыы]- Кылгас эрээри чаҕылхайдык олорбуттара / Р.В. Попова // Дойдум миэнэ Хатаһым / Дь., Хатас нэһилиэгин дьаһалтата : Сахаполиграфиздат, 2001. - С. 141-142
- Василий Васильевич и Елена Афанасьевна Мокрощуповы // История улиц нашего села : проект "Хатассы в лицах" / Иванова А., Иванова Н. и др. - Якутск : Айспринт, 2020. - С.42-45
- История села Хатассы / В.Г. Захарова. - Якутск : Бичик, 2004. - С. 71
Быһаарыылар
[уларыт | биики-тиэкиһи уларытыы]- ↑ Зедгенидзева А.Н. и др. Имена на улицах Якутска. Выпуск 4. Биобиблиографический справочник. — Якутск: Офсет, 2022. — С. 642-643. — 697 с. — 69 экз.